[郊遊] 西貢塔門 ● 食菠蘿油、放風箏、食豆腐花、碼頭買海鮮、海灣燒烤大王
12 April , 2015
睇返D相都好開心, 雖然已經半年前既事, 呢加得閒先可以追返呢一年內既卜, 回看2015年既我太忙, 無時間寫卜煮飯, 郊遊咁開心既活動當然要記得佢啦 ! 呢加大住肚都唔知可唔可以去郊遊下, 或者等我張野餐墊到港可以去野下餐都好啵~ 好想去深呼吸一下新鮮空氣 !
我都係第一次去塔門咋 ! 望見張相都感受到大自然的美。
西貢咖啡餅店
address : 西貢海傍廣場2號金寶閣6-7號舖地下 (2792 3861)
首先早早約定coey一齊坐小巴入西貢, 入到西貢第一時間帶佢去食好野, 我知西貢有間出名既麵包店, 就係西貢餅店, 呢道最出名就係美味菠蘿油 , 菠蘿包大大個熱辣辣出爐, 聞到都流口水, 想起那脆脆既外層, 夾住帶有香滑既牛油, 非常美味, 再配杯咖啡 , 真係幸福一天的開始。
食過早餐之後再等埋西西同文迪就可以出發, 出發前係碼頭附近買定船票出發往塔門 , 旁邊會有風味零食小吃, $25/3包, 價格相宜, 買上船吃也不錯 ! 特別推介 : 鯊魚骨,好香脆
齊人可以出發喇！以前都未試過一齊去玩, 好開心好興奮呀 !
大約三十分鍾就到達塔門
今日天氣好好, 好心情看好風景
買左支洛神花水解解渴
我地都係跟住人行, 會有士多/餐廳, 再行上去經過天后古廟 , 我地係士多買左隻大風箏上去放
不久便到達目的地, 眼下見到好靚既海, 好清既海水, 好舒服呀 !
遊客開心到此一遊
哈哈 ! 用電話控制相機拍攝, 試機中
開始玩風箏喇 ! 我咁大個女都唔知有無玩過三次風箏, 哈哈 ! 所以好開心呀 ! 多謝你地教我點玩 !
飛喇~~
輪住玩, 收下, 放下, 要小心唔好同人地隻風箏打交, 當然我地好小心, 不過人地唔小心呢~ 最後整到打哂 kick~ 同埋玩完風箏D線要收返好, 唔好整親人呀 ! 要有公德心 :)
唔少得要影下靚相啦 ! 我最鍾意幫人影相, 雖然唔係好專業, 但過程大家都玩得好開心
望住個大海真係好舒服呀 !
差不多留左2-3小時我地就落返山
去左食豆腐花
好正呀 ! 原本打算食海膽飯, 不過最後我地決定今晚BBQ, 所以食碗豆腐花就夠喇 !
坐船出返去之後, 我地先到碼頭買海鮮, 睇下大家想買咩海鮮再一齊燒, 實在太開心喇 !
海灣燒烤大王 Beach BBQ King
address : 西貢大網仔路沙下村9號 (2792 0683)
open hours : 星期一至四: 18:00-00:00 星期五: 18:00-01:00
星期六: 15:00-01:00 星期日: 13:00-00:00
價錢方面：星期一至四 成人 $158 、星期五 成人 $168 、星期六至日 成人 $188。
每位顧客會獲贈指定果汁或者汽水任飲、一支燒烤叉、三隻碟、一隻杯同埋每枱都會供應蜜糖兜連埋支掃全套
以前好鍾意同同事們放工就黎BBQ, 呢加當然無咁瘋狂啦 ! 去返呢度大家都好興奮呀 ~ 買完海鮮就行返入去海灣BBQ大王度買飛進場 ! 海鮮當然清洗乾淨先至燒, 燒大蝦同蟶子真係好鮮甜 ~ 邊燒邊傾計, 玩到九點幾先走, 非常盡興 !
搵日再去玩過 :)
感謝 仙蒂小溫太 提供以上資料
個人日誌: http://cindylittlemrswan.blogspot.hk/
| 
