|
健康又好味, 的確少見...
|
|
oasiswong
2015-12-05
481
0
|
分享
收藏
今年六月時已經開張, 剪綵當日, 我也有經過, 同事話我知, 那位剪綵嘉賓是"王敏奕", 對於我這等中年阿伯, 實在不知"王敏奕"是誰, 也無大興趣去google一下, 現已經幾個月了, 行過店門無數次, 都未有時間幫襯, 今天下午早走, 終於可以一嘗. 入內, 櫃位的一人, 應該是老闆, 老闆是有款睇的, 正所謂, 有些人.. 著起龍袍唔似太子, 有些人..則著得不太光鮮, 一眼就可以望得出是非凡之輩, 這位貌似老闆的人, 正向客人推介不同的飲品, 無意中聽到(真係無意的, 並非我專登偷聽) 其中一款推介: Green.... 綠色....如果唔係Green Hat, 應該問題不大... 要了這款Green, 看一看餐牌, 好多材料, 一杯沙冰內, 有芒果、香蕉、菠菜、杏仁奶、椰子水、西瓜汁、燕麥、樹花蜜. 單看材料, 的確是健康十足的飲品, 詳細說明, 還有此幾款飲品, 與傳統的沙冰不同, 沒有大量冰粒, 不似思樂冰, 不似刨冰, 沒有最惡毒的雪糕, 沒有那些表面健康...但實際糖分極高的乳酪, 而真是全用蔬果打成入口, 少甜, 好滿意, 放了香蕉和燕麥, 口感特別豐厚. 另加了一件三文治, Viet Banh, 聽名字, 就估到係越南特色, 八成瓜菜, 兩成豬肉, 絕對是健康金字塔的最佳標準, 紅蘿蔔和青瓜切得中小適中, 有爽脆口感, 豬肉燒過, 夠香口, 麵包也烘得十分熱和香脆, 以健康食物而言, 暫未試過一間比這間更好的水準.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$70.00
| 商店 | Zumufi |