|
Lucky sunday buffet brunch@Green
|
|
JannieWong
2015-08-25
778
0
|
分享
收藏
| Hotel Icon 既buffet, 不論'The market'定係'Green' 都出晒名難book位，就算book到都要等個幾月先有得食！女朋友們聚會，大家都想試下'Green'既semi buffet brunch,即管打去book試下，又會咁岩可以book到一星期後既weekend有位比我地，lucky! Green位於酒店既G/F,穿過reception就到達。門口用左黑色通花鐵閘做裝飾,別具特色。而地板用左深淺色複合木地板，形成對比。 一踏進餐廳，超高的樓底空間頓時令視覺廣闊開揚，而一幅大型掛牆vertical green 牆身裝飾做點綴非常搶眼(綠色可以令視覺上放鬆，而且易打理，所以當時盛行好多商店，餐廳以至家居既design都用vertical green做decoration)，加上落地玻璃窗令整個空間光線非常充足，自然光非常悠閒舒服，又可以有節能效果，weekend係呢個柔和舒適既環境進餐，胃口都大開！ 蝕花玻璃牆身隔離係bar枱，bar枱前有張長長的bench,而bench上排滿晒任食既前菜同甜品！ 不得不讚賞一下佢地既食物presentation,擺放得非常靚，高高低低的，精緻既器皿加上食物色彩斑斕，未食已經令眼球大飽眼福，令人垂涎欲滴，心花怒放！雖然semi buffet種類選擇唔及buffet多，不過沙律，前菜同甜品一d都唔遜色！任食前菜有我鐘意食既parma ham ,煙三文魚，菠菜芝士tart! Parma ham最好既朋友哈密瓜，一齊食簡直係絕配！ 菠菜配芝士香口非常，而且size切成小件，岩晒我地女仔一口食！ 自選前菜我㨂左caviar egg benedict with serrano ham. 切開隻蛋，蛋醬湧出黎，蛋汁配上ham同魚子醬食梗加滋味！非常出色的前菜！ 我地一行有四個人，可以叫晒主菜入面四款菜式黎試！一班朋友食飯就係有這好處，可以食到唔同菜式！ 鱸魚配白菌伴白酒牛油汁 - 魚肉好嫩滑，但整體比較淡，可略加多點鹽提升味道！ 法式鴨脾配薯蓉 - 隻鴨脾啖啖肉，而且肉質煮到好軟熟，配埋香滑薯蓉食，好味！ 龍蝦墨魚汁risotto - 龍蝦好大隻好多肉，鮮甜爽滑，反而risotto比較乾身，唔夠creamy 漢寶包配薯條 - Mini burger個樣好別緻，個包好鬆軟好味，牛肉煎得剛好唔會太熟，而且煎得很香口，四款主菜呢個最好食！ 但相比之下任食前菜既味道好過主菜，主菜略為遜色一點，可以再有進步空間！所以食任食前菜都已經滿足肚子一大半了！ 最後到甜品時間，每款賣相相當精緻吸引，款款都好高質好想食！ 果撻選擇亦不少，有士多啤梨荔枝撻，鮮雜果撻，仲有mini cupcake! Creme burlee又香又滑，而且入面有好多雲尼拿籽 法式小點當然唔少得canele, macaron 同咖啡opera! 還有蛋糕櫃內既蛋糕可以任㨂! 唔好錯過! 夏天當然唔小得色彩鮮豔既生果！ 最後結帳既時候，出乎意料侍應小姐話4月份做緊promo有7折優惠，每位$328仲要有7折，即刻覺得非常抵！睇得又食得,精彩好味既brunch, 比我地book 到位又有優惠，真係lucky!
感謝JannieWong 提供以上資料 JannieWong的網誌: http://janjancat.blogspot.hk/
|
~END~
| 商店 | Green at Hotel Icon |