日式紙燒烤
|
|
lucywu
2015-10-10
351
0
|
分享
收藏
星期六畢業禮,同朋友拎完袍後就搵野食,超肚餓,所以鎖定目標食放題! 行過油麻地,見到呢間野6點幾已經人頭湧湧,外國人都有,所以決定一試....... 而且對於用紙燒烤,感覺都幾新鮮,有d好奇點解就算係d牛油紙都唔會燒著(之前整蛋糕我連牛油紙都燒焦.....)。不過食食下,都無深究呢個問題,後反而覺得燒出黎既食物好似無咁油,但又燒焦咁既感覺,神奇! 呢間放題除左燒物任食,當然都有多款其他食物俾人選擇,有刺身、炸物、湯飯、海鮮、和食、飲品同甜品,等緊燒時,都可以食住其他野ma..... 刺身都好新鮮,甜美! 推介三文魚,肥美,油脂香! 推介馬刀貝,即象拔綁,甜美爽口,食一百件都得! 推介甜蝦都唔錯! 炸物用籃裝住,感覺好原始味道 超甜一口蕃薯,如其名,超正! 炸蝦天婦羅,漿都厚薄得適中! 不過天婦羅個沾汁較稀同無味...... 跟住主打啦,燒物放題,今晚食到肚都脹! 一口牛好厚,所以食落好夠牛味又juicy,讚! 虎蝦超大隻,食十隻都回曬本,而且新鮮爽口彈牙! 一口黑椒腸,最鐘意台式腸既實身口感! 法式香草羊架,帶著小小脂肪,特別香,我覺得唔係好so,可能我超鐘意羊架! 雞軟骨都係我最愛! 普遍調味既肉都under-seasoned,無調味既又太淡,不過個人口味唔同啦,如果唔夠咸或辣,都有自助調味加,有7味粉同椒鹽,自己控制都仲開心! 食完都仲有甜品,超正,有greentea雪糕!連個tiramisu都幾好味,上面個芝士filling唔錯,係下面件蛋糕乾左d。
感謝 lucywu 提供以上資料 lucywu 的網誌: http://www.openrice.com/zh/gourmet/reviews.htm?userid=162319&city=hongkong
|
~END~
人均
$195.00
商店 | 鳴橋燒肉料理 |