|
樓下冰室：汰弱樓強
|
|
山區麵包王
2015-12-12
1796
0
|
分享
收藏
上次去咗一趟金記冰室懷緬一下當年今日，從住晌荃灣嘅朋友口中得知，荃灣都有一間懷舊冰室，佢話樓下冰室，我話你屋企樓下無嘢食喎，佢補充多句話間餐廳叫「樓下冰室」。
雖然話懷舊，但樓下冰室喺以蕃茄為主力產品，佢哋有個掛牌喺講蕃茄對人體有幾好，就連個招牌都以蕃茄為圖。
攤開張餐牌，有咩好食就一眼睇晒，主打就喺蕃茄濃湯通粉餐，其次，仲有多款小食及特色主食。
除咗通粉餐、下午茶餐，就無乜套餐， 皆因點任何飯類，都可以以半價點飲品，變相喺一個套餐嘅選擇。
嚟茶記或冰室嘅心水選擇，杯奶茶好有茶香，落奶嘅比例亦好啱我，只喺絲滑度未喺最好，但亦已好有水準。
雖然佢哋嘅招牌喺鮮茄濃湯，但小弟反而好想食佢個焗豬。首先個鮮蕃茄汁底好正，茄味香濃，酸香鮮活，配合個炒飯底，淨喺茄汁撈飯都好食呀；豬扒雖然唔喺好似一哥嗰啲厚切，但有3塊之多，一般呎吋嘅有骨豬扒，質感好鬆軟，醃得入味。
佢哋啲蕃茄真喺有料到，下次再嚟真喺要試試啲蕃茄濃湯通粉先得。懷舊主題某程度都喺花巧嘢，吸引到你一次，未必吸引到你第二次，講到尾，實力最緊要，有質素自不然唔怕被淘汰，正所謂汰弱留強。
個人評分
味道：8/10
環境：7/10 服務：6/10 抵食：7/10 平均每人消費：HK$58
餐廳資料：
樓下冰室 荃灣路德圍14-18號B舖 3565 4599
感謝 山區麵包王 提供以上資料 山區麵包王的網誌: http://garycwm.blogspot.hk/
|
~END~
| 商店 | 荃灣樓下冰室 - 番茄室專門店 |