「After eat 吃貨日記」第128回 @偉記燒烤樂園（元朗） SeeWide

唔知大家會唔會想燒野食，一早去燒烤場霸爐，再自己call齊堆朋友去買野食呢？以前我會架，宜家比較忙喔所以去呢d燒烤場岩晒我！

如果有睇開我既「吃貨日記」都知我之前好推介起錦田「勁嘆」BBQ~ 由於地點有點遠，所以今次就試下元朗呢間「偉記」。

聖誕節關係，預早book定位，而節日關係加左價一人$160 ，由4:00 -10:00。

呢到係做港式燒烤，入場價包一支水同一罐飲品。
取食物方面，分兩個器皿，一隻銀色碟放肉類，一隻膠篩子放丸類。
偉記燒烤樂園的相片 - 元朗)

食物方面，款式夠。

肉類方面，有豬頸肉/ 雞翼（中翼及全翼）/ 腎片/ 雞扒/ 牛柳粒/ 牛扒/ 豬扒/ 金莎骨.. 值得一提，食物醃料整體味道不錯，最起碼好似雞翼有分幾種味，燒完之後食都分得出邊隻係果個味 XD （點解我咁講，明明不同醃料，燒完全部都係同一個味, 唔知你地有無呢個同感？）

除左牛柳粒過咸之外，其餘食物都好食。
偉記燒烤樂園的相片 - 元朗)

丸類方面，比較特別有「潮州白魚蛋」燒完有小小juicy, 魚蛋爽口！
偉記燒烤樂園的相片 - 元朗)

其次，比較少有連「司華腸」都有得燒，我對丸類要求蠻高，以燒烤場計，呢到丸類質素屬中上，希望水準一直保持！

蔬菜類就不算多，有粟米同蕃薯。