創意十足的藝術甜品 SeeWide

專登搵左住元朗既朋友陪我食小糖鈕！有熟人帶路唔洗自己搵路，但其實都幾易搵既！
小糖鈕甜品專門店的相片 - 元朗)

黎到叫杯飲品解渴先，柚子冰配紅石榴泡沫，未飲已經聞到超香既柚子味，天然香甜味道絕不造作！紅色一粒粒既係紅石榴，口感幾得意！
小糖鈕甜品專門店的相片 - 元朗)

大糖鈕特選拼盤！五顏六色，吸睛度高！包括五款餐單既主打甜品, 三款係神秘甜品由廚師簡選，定期唔同嫁！

店員先介紹每款甜品既特色，當中加入分子料理既元素，再介紹食法！首先要食富士蘋果撻配果仁及雲尼拿雪糕，因為蘋果撻烤焗後，甜品微溫，面層再加上雲呢拿雪糕，相對比較易溶！
小糖鈕甜品專門店的相片 - 元朗)

特濃朱古力慕思杯，中間個層橙紅色係打至軟爛既紅筍茸，口感濕潤，配搭特別令我有中西合璧既感覺！
小糖鈕甜品專門店的相片 - 元朗)

桑子忌廉杏仁撻配香草燴杏脯
小糖鈕甜品專門店的相片 - 元朗)

芝士蛋糕

其中一款神秘甜品

而哩款都係神秘甜品，令我最surprise既甜品，味道完全係估你唔到，首先外型係模仿蘑菇，超濃郁既花生忌廉味！朱古力條就係斷左既樹枝，蘑菇下既泥土係芝麻燕麥碎！創意十足令人意想不到！！！
小糖鈕甜品專門店的相片 - 元朗)

另外，碟上仲有黑朱古力蛋糕，綠茶燉蛋配紅豆，燉蛋係綠茶口味真係第一次試！燉蛋嫩滑，帶有甜甜既綠茶味！再加上自家製既拖肥脆粒，鈕扣（可以食既朱古力）作為點綴，完全配合餐廳主題，而綠色棉花糖係薄荷口味，一粒粒黃色既係熱情果粒！
小糖鈕甜品專門店的相片 - 元朗)

除此之外，仲點左伯爵茶奶凍！薄荷 + 西瓜=??? 完全係夏日配搭~勁fresh!

~END~

商店

小糖鈕甜品專門店


抱歉，發生點錯誤。重新載入


(0)	(0)	(0)