|
公主feel high tea!!
|
|
poortravellers
2015-11-27
308
0
|
分享
收藏
黎呢間絕對係因為比佢呢個咁靚既鋪面吸引左入去！ 仲有張小餐枱係出面，唔知可唔可以坐架呢xd 入面既裝修好靚，好有公主既感覺呀 下午茶時間所以同朋友一齊揀左呢個好lady既tea set($338@2)作為下午茶 睇張圖已經覺得好吸引啦！ Tea Set包兩杯野飲，叫左杯凍朱古力，對呢杯朱古力期望幾高，"Belgium Chocolate 65%"，飲落真係過淡。 杯Latte味道係唔道，但上面果個疑似拉花既人真係唔多討好，呢杯味道OK啦！ Tea Set終於送到，好靚！ 坐近窗邊特別有氣氛！ 先食最高果層 開面吞拿魚三文治，個吞拿魚個樣幾好，但就略嫌調味唔係好夠，底下既菜好足料，配埋個包都幾好 香煎鵝肝，呢個鵝肝好食，底下既青蘋果中和左鵝肝既油膩，入口即溶，煮得岩岩好 檸檬煎中蝦，檸檬汁唧落去，一啖食哂蝦同配菜，幾fresh 西班牙火腿蜜瓜，經典味道，開胃前菜 中間果層係Scones，有無花果、松子、葡萄乾同原味，旁邊係士多啤梨同忌廉，鬆餅較乾身，令到忌廉唔係幾查到上去，不過鬆餅係暖，令到食落味道唔錯，即使係無花果味都出到，味道上唔錯但就係較乾身。 最底層係甜品 柚子芝士餅，呢個幾特別，好少見芝士餅會配柚子，柚子既甜甜酸酸襯埋落芝士餅唔怪反而幾夾，食落芝士餅更加香 朱古力脆脆，朱古力味夠濃，唔錯 意大利芝士泡芙，呢個個樣好靚，兩隻天鵝，食落個味道幾好，幾好食，但如果睇左個名會覺得唔係好match，因為中間果個似Cream多過意大利芝士，個泡芙就偏硬所以食落似曲奇，但個味道係好食。 見到Lunch Set幾吸引，下次再試下！
感謝 poortravellers 提供以上資料 poortravellers 的網誌: http://www.openrice.com/zh/gourmet/reviews.htm?userid=58550255&city=hongkong
|
~END~
人均
$169.00
| 商店 | Cozy Corner (尖沙咀店) |