好味又抵食小曼谷
|
|
yuchiro
2015-09-12
478
0
|
分享
收藏
離開左舊公司一個禮拜,今日約左舊同事做黎食野,揀左大家都鍾意嘅泰國菜。黎到九龍城,真係好多泰國菜館,朋友話小曼谷好味又抵食,一於就黎呢度。 二點幾黎到,唔使等位但都近乎滿坐,見到其他食客啲野食好似好正咁,快快點餐先。 黄色餐具,好乾淨。 出餐位係一條船,前面仲擺左調味料,好特別。 天氣咁熱,梗係要飲番杯沙冰降下温,左係青檸菠蘿沙冰,右係芒果椰汁沙冰。酸酸青檸味同甜甜嘅菠蘿又好夾喎,芒果甜美加上椰汁香滑,兩杯都好好飲。 冬蔭功鮮蝦雲吞湯,一上枱已聞到冬蔭功個種酸辣味,好香呀。 鍋下仲有一舊蠟燭keep warm架,咁啱煲到食完就熄火了。 一客有六粒雲吞,大大粒,鮮蝦鮮嫩彈牙,好好味。個湯不太辣,入面有唔少菇菇,香料,芫荽等,酸酸辣辣真係好好味,必叫! 蒜香胡椒炸雞翼,炸野嘅香味好勁,大量蒜,辣椒等淹蓋啲雞翼,好入味又香口。有三隻雞全翼,上籃前已前開兩件,方便食用。 椰青海鮮焗飯 成個雪糕球咁 入面有唔少海鮮,魷魚,蝦,帶子等,但都係白色,有啲難發現佢地嘅踪影。 呢個飯嘅份量四個人食都夠,超大份,上面一大球,椰青入面亦係滿滿嘅,好抵食。椰漿同提子乾甜甜地,意外地同飯又夾喎,飯吸左椰青嘅香味好清新。唯一缺點係好難分,跌到成枱飯添 食唔哂打包左,聽日叮返一樣咁好味。 埋單一人唔使二百,飽到爆,飯同雞翼都包走,下次兩個人唔使叫咁多野食。
感謝 yuchiro 提供以上資料 yuchiro 的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$160.00
商店 | 小曼谷海鮮燒烤屋 (太子道西店) |