午市不用排隊的爭鮮 SeeWide

粉嶺呢間分店係午市時段大多不用等位，想食下壽司就會黎呢度，八蚊一碟，雖然唔係話啲咩上等菜式，但味道，衛生等都收貨了。
爭鮮迴轉壽司的相片 - 粉嶺)

八爪魚軍艦，芥末魷魚軍艦，軍艦都幾新鮮做起噃，啲紫菜仲脆。腐皮船，認真抵食，大大舊又足料。三文魚壽司，一般啦。
爭鮮迴轉壽司的相片 - 粉嶺)

鯖魚，幾juicy，次次黎到會encore。花之戀，太多醬了。火灸三文魚，肥美好味。
爭鮮迴轉壽司的相片 - 粉嶺)

魚生飯，細細碗但有好多料，甜甜地嘅醬汁好味。海膽軍艦，唔算靚海膽，但至少新鮮。鰻魚壽司，無腥但唔多肥。
爭鮮迴轉壽司的相片 - 粉嶺)

北寄貝，鮮甜。吞拿魚？無乜味哈哈。

甜品攞左紅豆卷，甜甜地個皮煙韌又幾好喎。芒果布甸，有幾粒果肉係入面，增加口感。

而加減到限時四十分鐘，好彩呢間分店無人等位唔會趕客，食到超時都無事。

============================================

感謝 yuchiro 提供以上資料

============================================

~END~

人均 $60.00

商店	爭鮮迴轉壽司 (粉嶺店)


(0)	(0)	(0)