|
My Japanese dinner without my mother | 千の味刺身壽司
|
|
siu_shan
2015-04-10
438
0
|
分享
收藏
| 千の味刺身壽司專門店 Oi-Shi-Sushi 難得呀媽返左大陸，唔洗食屋企飯(甚少)。 所以約定其他家人今晚食日本野，壽司餐！！ 平日放題食得多，唔知買日本食物質素如何？ 千の味刺身壽司專門店位於大圍火車站附近，行幾分鐘就到，係海福花園入面。 仲有好多壽司相片，睇到都流口水。幾多野食揀，正！ 連凍飲都好多得揀，不過我唔係太渴又要叫外賣，所以就冇叫！ 店出面有一張枱，有落單紙可以堂食。 3-4人都可以～ 除左普通既壽司，刺身，魚生飯，沙律，炸物等等，仲可以叫壽司刺身蛋糕！ 叫左不同類的食物試下，好滿足！ 先分享下我叫既炸物：吉列炸蝦，吉列炸蠔，芝麻雞翼，炸八爪魚丸。 炸蠔似平日放題既外表，好香蠔味！ 八爪魚丸上面既野再加埋d汁，唔錯呀～ 芝麻雞翼賣相好好，但因為拎返屋企之後唔夠脆。 不過D雞肉都夠林夠香，唔錯！ 吉列炸蝦炸得好平均，回到家都仲有d脆～ 蝦夠爽好香！ 叫左個蟹子沙津，都幾大兜架！ 蟹子同青瓜都有好多，而且沙津醬充足，非常清新，係健康之選！ 叫左唔少刺身～睇個擺位都夠哂靚！ 甜蝦，帶子，三文魚，劍魚腩，油甘魚，北寄貝。 帶子雖然唔算厚，但係好鮮甜，鮮滑，口質十足；唔點任何醬汁最鮮甜，最好味！ 甜蝦非常鮮甜，唔算爽但質地好滑，好味！ 三文魚刺身切得件件都一樣，好滑好平均。 劍魚腩，油甘魚夠哂油脂，好有口感！ 北寄貝比較爽口，質感及味道唔錯。 壽司就買左2盒返歸。 壽司飯幾好，雖然經過少少時間但d飯冇散開亦唔會太酸，合我口味！ 第一盒 蟹柳小卷小朋友最愛，細細件。 龍蝦沙津有少少芥未， 熟蝦(自家制)，有少少沙津醬係上面，蝦有少少”押＂味，通常熟蝦都有呢d味～ 蟹子夠分量，又爽又香！ 帶子夠大件，好厚好甜，大愛！唔點醬汁最正～ 魷魚夠爽口，唔會un，魚味夠。 吞拿魚不是我杯茶所以冇食，家人話呢個算幾滑。 第2盒壽司。 三文魚，三文魚腩，鰻魚，劍魚腩，蟹柳，玉子(自家制)。 三文魚好滑，好香三文魚味！ 劍魚腩正常，多油脂多油分。 蟹柳雖然是仿的，但甜甜的。 玉子也是甜甜的，賣相好特別～ 三文魚腩都係而且比較多油分，含好多OMEGA3，考試前必備！ 鰻魚冇乜骨，易入口，但係唔夠多汁，可以再多D照燒汁！ 小店價格也唔貴，買到痴左線先係每人平均$100，食到飽飽，而且食物質素好好！ 唔需要去放題狂食，下次得閒都會再來買外帶！ 題外話/補充資料 店內男師傳幾靚仔
感謝 siu_shan 提供以上資料 siu_shan 的網誌: http://www.openrice.com/zh/gourmet/reviews.htm?userid=518721&city=hongkong
|
~END~
人均
$100.00
| 商店 | 千の味刺身壽司專門店 (大圍店) |