做冬搞搞新意思 SeeWide

今年做冬不去酒樓，而是黎到炑八食韓燒，聽說沙田開了新店，地點又較方便，就選這裏了。

七點多黎到，意外地多人呢～要等上好一陣子才有枱。被安排在卡坐，坐位尚算濶落。叫了一個牛肉海鮮套餐$550，一個豬肉海鮮套餐$498，仲有一個醬油蟹，現特價$128，原價好似係$198，好豐富呢～
炑八韓烤的相片 - 沙田)

先送上涼菜三碟～大豆芽，泡菜，酸蘿蔔，沙律同生菜，呢啲都係無限添加的，大豆芽同泡菜辣度適中，又沒有化學味，好好味添加了數次呢。
炑八韓烤的相片 - 沙田)

枱上有醬料自行添加，檸檬水任飲，試過有韓燒舖無水供應，實在口渴得要命！所以呢支水真係好緊要！仲有爐邊蛋同芝士粟米，呢兩樣都係可以添食的，就係為左佢地先至揀炑八㗎正正～等下等下食物到了，先黎芝士蠔。
炑八韓烤的相片 - 沙田)

仲有牛肉同豬肉套餐，有牛肋骨，牛舌，牛臉肉，豬腩肉，大腸，豬頸肉，多春魚，大蝦等，急不及待要燒了。
炑八韓烤的相片 - 沙田)

先燒個牛，好香呀，肉嫩入味，唔加醬料已經好正，梗系要列行整生菜包食，一黎食下蔬菜，二黎感覺無咁熱氣嘛。
炑八韓烤的相片 - 沙田)

好啦好啦，蛋同芝士都食得，又滑又嫩，正正正，食完又叫添加先。跟餐嘅泡菜豆腐湯，但豆腐呢？？一塊都無得泡菜，飲落啲味勁似羅宋湯好懷疑係咪黎錯……芝士蠔都食得啦，幾肥美！
炑八韓烤的相片 - 沙田)

燒豬肉時間，五花腩幾香，油脂爆棚！此時已添加芝士粟米同邊爐蛋，今次仲有埋泡菜添，更有口感。燒梅頭肉燒得有點過火韌了，豬頸肉肥美，豬大腸十分甘香，推介！
炑八韓烤的相片 - 沙田)

到蝦同多春魚，牛肋骨了，多春魚好難燒，黏底一夾就難。牛肋肉肉味甚濃，有咬口好正，卓一卓食得，燒太耐會哂左啲肉㗎。
炑八韓烤的相片 - 沙田)

原來醬油蟹係包一個紫菜湯跟飯，蟹好大隻但好似無上次咁入味，少了點鮮甜，失望了。雖然已經好飽，但點都要加廿蚊要埋個冰沫嘅，聖誕蛋糕version，白茫茫一片，中間一粒士多啤梨同一兜士多啤梨醬，淋得好無美感添……白色原來係糖粉，甜甜地加埋冰沫勁重奶香，好食呀，不愧係元祖冰沫，正過甜品舖。

整體還可以，好滿足食得好飽，但唔知係咪新開舖，好多店員都魂不守舍，店內亦較髒，地上好多垃圾，油淋淋，抽油煙管跟醬料瓶又黏糊糊的，有待改善啊～

============================================

感謝 yuchiro 提供以上資料

yuchiro 的網誌: http://www.openrice.com/zh/gourmet/reviews.htm?userid=444085&city=hongkong

============================================

~END~

人均 $380.00

商店	炑八韓烤 (沙田店)


抱歉，發生點錯誤。重新載入


(0)	(0)	(0)