雖然護膚品可以令皮膚更加好

但其實適當既運動都可以幫助我地護膚架!

小編其實平時唔算好鍾意運動

但行山對小編黎講就係最好既運動方法~運動量又大，又可以睇

靚景!

今次就同大家欣賞最近既一次行山體驗啦!

小編今次行程都幾緊密

西灣亭 ->西灣->浪茄->東壩->西壩

如果唔休息，淨係行既話，大約要4個鐘就行完

因為我地想趕喺5點半前到西壩睇日落，所以行程都幾緊密

首先係由沙田坐299x去西貢碼頭，再喺西貢親民街坐29R村巴去

西灣亭

車程總共約1個鐘 ~

而29R既班次比較疏，所以sis們喺坐之前記住做定research!

由西灣行去浪茄，沿路可以欣賞到萬宜水庫既景色

小編去果日都唔太多人，而且天氣唔錯，好適合行山

(對面好尖既山就係 蚺蛇尖喇!)

然後我地就行左去浪茄 ~

浪茄係一個好細既沙灘，由於好偏遠，所以平時無乜人黎，救生

員都好少 ~

由浪茄行去東壩同西壩既路程已經平坦左好多

雖然間唔中都有上斜，但比起之前既路段真係濕濕碎 ~

途中有好多怡人景色

最後仲喺西壩睇到日落添 ~

建議想去既sis要帶多啲水，而夏天就要注意天氣，如果當日陽光

太猛就千萬唔好去

因為沿途完全無遮蔭位，好易中暑!


希望今次分享幫到各位SIS啦!