新式韓國菜餐廳！韓國人主理！ SeeWide

位於大圍既sister cafe，主打新式韓國菜，味道不俗，好多菜式都同韓國好相似。
Sister Korea Cafe的相片 - 大圍)

店內裝修幾靚，有韓國味道，而且坐得舒服，岩曬一家大細黎食，又岩情侶黎食。店內員工仲有唔少係OPPA同靚女韓妹TIM!
Sister Korea Cafe的相片 - 大圍)

同經理哥哥咁岩傾計，呢間餐廳係由三位靚女開，就係呢幅牆畫，真係畫得好靚又得意，哈哈。左邊係香港人，中間台灣人，右邊韓國人。所以亦都知道點解會叫sister korea cafe
Sister Korea Cafe的相片 - 大圍)

店內貼滿韓國海報，更加韓味濃。
Sister Korea Cafe的相片 - 大圍)

韓國菜必備配料，泡菜唔太辣，岩foodki呢種唔係食得太辣既人，湯就清清淡淡，都係傳統韓國味道。
Sister Korea Cafe的相片 - 大圍)

Sister 懷舊便當盒(7/10)($58)
今次係大圍既Sister korea cafe 終於食到係韓國經常見到既鐵盒飯。上面有一隻煎蛋，紫菜，韓國肉腸同辣豬肉，仲有加埋麻油既飯，擺得靚係無用架哈哈，因為要cum住個鐵盒瘋狂撈係咁喪搖，搖到有幾亂得幾亂。撈完真係覺得手臂粗左唔少。講番味道，好韓式，好似係韓國食緊咁，啖啖都有foodki最愛既紫菜加上微微辣既豬肉，撈飯真係無得頂啊。仲有呢到個啲韓妹同oppa好正啊！裝修都好靚，味道又唔錯。唔怪得開左一個月就已經坐滿曬。
Sister Korea Cafe的相片 - 大圍)

醬醃莞島鮑魚(7/10)($119/3隻或 199/6隻)
鮑魚蒸熟後以醬油加上二十種醬料醃製,睇得出sister korea cafe 擺左好多功夫落去，香港好多地方都無咁傳統既韓式醃製鮑魚食。，味道沒有想像中咸，但多一份爽口，切成一小塊更適合食，可以話佢地都體貼。
Sister Korea Cafe的相片 - 大圍)

河醉雞翼(7.5/10)($45/4隻)
foodki超鍾意食雞翼，sister呢隻雞翼顏色雖然好淡，但酒味的確突出。韓國酒醃製，同係韓國食真係好似，凍凍地既雞翼岩曬而家香港咁熱既天氣食，酒簡單係foodki最愛，滿意！！
Sister Korea Cafe的相片 - 大圍)

韮菜煎餅(6.5/10)($82)
韮菜煎餅味道都唔錯,勝在煎得香脆可口，加上韮菜令煎餅味道更佳，感覺有少少似北京既煎餅。
Sister Korea Cafe的相片 - 大圍)

草莓水果冰茶(7.5/10)($29)
天氣咁熱飲冰茶真係無得頂。賣相好靚，SISTER 既冰茶用料好足，有大量既原粒草莓肉係入面，飲既時候會食到新鮮果肉，真係超凍好好飲，岩曬鍾意飲酸酸甜甜水果茶既朋友飲！
Sister Korea Cafe的相片 - 大圍)

店內oppa 高大威猛型仔!!會幫手煮野食，可惜今次foodki無叫到,下次一定叫。
Sister Korea Cafe的相片 - 大圍)

好靚女既韓妹，唔識講中文架，都係會幫大家煮野食，例如佢地既漢拿山飯，foodki睇到都覺得超吸引好想食！！

============================================

感謝 kelvinfoodki 提供以上資料

kelvinfoodki 的網誌: http://www.openrice.com/zh/gourmet/reviews.htm?userid=58271625&city=hongkong

============================================

~END~

商店	Korea Cafe Sister


抱歉，發生點錯誤。重新載入


(0)	(0)	(0)