抱歉,發生點錯誤。
重新載入
銅鑼灣抵食客家菜
kelvinfoodki
2015-03-04
365
0
分享
收藏

泉章居 @銅鑼灣

因為我自細就住係銅鑼灣,細細個就成日上去食飯,由佢開起波斯富街利舞台附近既時候已經成日好鐘意食,我細細個已經好鐘意食乜乜乜。到佢高價賣舖結業之後,再搬左去銅鑼灣廣場,到2012被列入米芝蓮精選食肆,一直都係我地一家人最愛既客家菜。

農曆新年就係應該同親人食餐飯團團聚。泉章居係一個唔錯既選擇,價廉物美,份量又多。
泉章居的相片 - 銅鑼灣)
當日係年初四,人真係好多,好彩一早book定位,同親人一齊食餐飯。
泉章居的相片 - 銅鑼灣)
我地係叫B set,其實我地七個人,最後都係食唔曬。


鮑参燴魚翅肚羹 - 銅鑼灣的泉章居)
鮑参燴魚翅肚羹(5.5/10)
係第一樣食既野,鮮甜,好開胃,魚翅都有幾條既,為泉章居平靚正打牌序幕。


黃金脆釀百花球 - 銅鑼灣的泉章居)
黃金脆釀百花球(6.5/10)
即係蝦肉球,蝦肉好好食,有香既蝦味。外表炸得金黃香脆,但略嫌有d油,因為要索一索油先上碟,可能人太多,廚房應付唔黎。


翡翠黑豚肉花姿/發財蒜子瑤柱莆 - 銅鑼灣的泉章居)
翡翠黑豚肉花姿(6/10)發財蒜子瑤柱莆(6/10)
黑豚肉炒得好香,花姿片亦炒得非常唔錯,好有鑊氣,加上西蘭花,中和下令佢唔會太咸,口感更多層次,唔錯!
瑤柱好大粒加上髮菜亦好好食,其實都係拎個意頭發財,不過真係好油下。


原隻鮑魚件花菇 - 銅鑼灣的泉章居)
原隻鮑魚件花菇(5.5/10)
以呢個價錢有呢隻size既鮑魚,都算係唔錯,當然味道亦唔錯幾好食。加上我最愛既冬菇,煮得岩岩好,軟硬適中。不過呢個菜真係好油好油,比之前既油太多,食到成嘴油,所以大降分。


清蒸大海青斑 - 銅鑼灣的泉章居)
清蒸大海青斑(7/10)
薑蔥花本來就係魚上面。上枱睇住佢落蒸魚豉油,淋滾油。淋滾油呢個部驟非常重要,因為要辟腥味同同令魚肉更滑,蒸魚豉油同薑蔥花好香,食落去令魚肉更鮮味,更加香滑。蒸魚豉油絕對係酒樓蒸魚既靈魂,通常係屋企都好難整到咁香咁好味既豉油,拎黎送飯絕對係一流,無得頂。泉章居蒸得岩岩好,唔會一夾就散,一啲都唔腥好有魚味。而且條魚真係好大條,食極都食唔完,我地七人對呢碟魚都讚不絕口。


正金牌鹽焗雞 - 銅鑼灣的泉章居)
正金牌鹽焗雞(7.5/10)

鹽焗雞係泉章居既招牌菜,亦係我最愛既菜。雞味重,雞肉好滑,雞皮下脂肪好厚,但係非常甘香,唔怕肥既人一定要食,我一直認為雞皮係雞既靈魂,食雞唔食皮不如唔好食雞,雞皮真係好正!整隻雞有鹽香,但又唔會太過鹹,雞肉好入味,好好味,一流好食,開左咁耐,雞味未曾改變!


鴻運乳豬大拼盤 - 銅鑼灣的泉章居)
鴻運乳豬大拼盤(6/10)
海蜇係精華所在,呢到既海蜇頭好爽好易入口,真係好好食,我地一行人老人家都係到索索聲,咬落口唔會太散,有少少UN,係高質素既海蜇。但乳豬其實好普通下,好似放左好耐咁,太過un,差唔多咬唔爛,大扣分。


富貴海皇炒飯 - 銅鑼灣的泉章居)
富貴海皇炒飯(4.5/10)
普通蛋白炒飯,加幾隻蝦就叫富貴....泉章居你對富貴既定義都幾廣下。飯炒得幾靚,賣相唔錯,味道好啖下,唔推介。仲有,我地一班人食到呢碟上既時候已經有啲飽。


蠔皇炆伊麵 - 銅鑼灣的泉章居)
蠔皇炆伊麵(4/10)
呢個伊麵真係好普通加啲菇炒埋一碟就算,其實都幾普通下,而且我地真係好飽,已經乜都唔想食,所以都唔評咁多啦。

最後,我地食到真係超級飽,7個人食6人餐,都係好飽好飽,埋單$1780,唔洗加一。


題外話/補充資料
好多菜式都太過油,我係一個好鍾意食油既人都覺得真係太油,好肥。


============================================

感謝 kelvinfoodki 提供以上資料

kelvinfoodki 的網誌: http://www.openrice.com/zh/gourmet/reviews.htm?userid=58271625&city=hongkong


============================================

~END~
人均 $255.00
商店 泉章居 (銅鑼灣店)