抱歉，發生點錯誤。
重新載入
沒有祖祖的壽司
技巧樹熊 ★ ★ ★ ★ ★
2016-01-27
531
0
分享
收藏
對，香港是一個機會之都，你可以好容易做一個幾分鐘的名人，你也可以好快咁出名。

鋪頭當然也是同樣的道理，好多時候，有些地方，夾雜著那個強到不行的風頭，為香港帶來了一條又一條的長龍，你冇係適當時間來到朝聖，你已經唔係潮人型棍，唔先睹為快，仲慘過錯過了買八千萬金多寶的六合彩。

從前，其實都有呢個風潮，那個年代，追朔到去Angela baby和吳彥祖的鬥爭，佢地同樣係差不多時間下過戰書，係朗豪坊商場鬥得難分難解。

當然，時間老去，人會老去，係資訊咁發達的時候你根本冇好難維持長期的風頭，君不見從前幾多板乜板乜的壽司，他們的baby同monster，現在都已經有沒有了從前排隊的氣勢，但我相信，像我三十二這些早八十後，十個有九個你準會去過其中一間的，特別係男仔一定會去過那個如女僕餐廳風格的baby cafe同那個你以為會見到吳彥祖真人的monster sushi。

我記得，曾經排過朗豪坊的monster sushi，我想應該多過前幾日上大帽山的人，女仔特別多，我唔知佢地係唔係等睇吳彥祖，我剩係知道我曾經排過一個小時。
Monster Sushi的相片 - 銅鑼灣)
現在，沒有了吳彥祖的那個風頭與gimmick，會是怎樣？

今晚，我就來到了幾新的monster sushi於銅鑼灣的分店。

幸好，不用怎樣等位，銅鑼灣呢間分店又坐得舒服，大大張sushi枱，又open Kitchen ，好過以前分店環境好多。
Monster Sushi的相片 - 銅鑼灣)
我喜歡日本食物的地步，好又食，唔好又食，特別係連鎖餐廳，我都好鐘意，從前係板長的粉絲，又常去千兩元氣，Monster sushi雖然冇咁有名，但都食過幾次，又平又抵，質素又大致不錯，你又點唔會繼續幫襯。

枝豆$18，唔駛諗，這個必點，雖然冇啤酒送，但我也很喜歡，沒有太多的鹽食，更healthy。
Monster Sushi的相片 - 銅鑼灣)

Monster Sushi的相片 - 銅鑼灣)
火炙美乃滋蟹棒19，這個是宅男首選，對食物不講究又要平又要食日本野點可以冇蟹棒，這裡粗粗的蝦條絕對是好食，加點台灣美乃滋，口感又不同。
Monster Sushi的相片 - 銅鑼灣)

Monster Sushi的相片 - 銅鑼灣)
芒果花之戀32，美得可愛又像甜品般精美，三文魚的藝術體現點會唔食花之戀，甜甜的清新，自然喜歡。
Monster Sushi的相片 - 銅鑼灣)

Monster Sushi的相片 - 銅鑼灣)
左口魚邊28，清新左口魚當然是必選，那是我最愛的一個選擇。
Monster Sushi的相片 - 銅鑼灣)

Monster Sushi的相片 - 銅鑼灣)
燒海膽醬花之戀，monster sushi之前出名係手功壽司，食精美的樣子又新奇配搭，用海膽醬，呑拿魚腩，鯛魚去夾成的花之戀口感新奇，你好少會吃到這種咁特別的花之戀。
Monster Sushi的相片 - 銅鑼灣)

Monster Sushi的相片 - 銅鑼灣)
新奇的壽司繼續，鵝肝芝士軟殻蟹卷39，呢個食完之後會非常飽，鵝肝已經係容易飽的東西，還有芝士同軟殻蟹，我冇想過三樣野都可以夾在一起，軟殻蟹卷見得多，夾鵝肝芝士咁重口味未見過。
Monster Sushi的相片 - 銅鑼灣)

Monster Sushi的相片 - 銅鑼灣)
芝士海老玉子燒26，其實本身係叫蟹膏玉子燒，錯有錯著，芝士海老玉子糾結在一起，熱辣辣芝士黐住海老，還有那些燒得滑滑的玉子夾埋，好好食。
Monster Sushi的相片 - 銅鑼灣)

Monster Sushi的相片 - 銅鑼灣)
秋刀柚痷燒29，說真，呢個我覺得燒得幾好幾香，但係食落去我個人覺得有少少腥，秋刀的關係，骨有點多，但都易骨肉分離又易食，不愛魚的就未必好喜歡。
Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)
牛油雜菌手羽先42呢個奇妙配搭奇妙過廸士尼個奇妙旅程，牛油雜菌係鐵板上燒得嘩啦嘩啦一般，香味又散發，單骨手羽先就係雜菌上，牛油雜菌好入味，但手羽先就自成一角，同床夫妻發的是異夢，各自為政，但總括來說也是好食的。
Monster Sushi的相片 - 銅鑼灣)

Monster Sushi的相片 - 銅鑼灣)
海鮮蕃茄濃湯鍋燒烏冬58，呢個令我想起長沙灣大吃一番，賣相好又易吸引人，海鮮蕃茄濃湯說真就唔係真係好濃，但烏冬係鍋燒的呈現好誘人，又有日本魚蛋又有日本天婦羅蝦，大大碗都係幾十元，說真，平過你係香港區食一般的food court午餐。
Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)
沒有了祖祖的風潮，這裡唔可以話係城中什麼最最好食的連鎖之選，但如果好似今晚食咁多野都係一百八十，仲要地方舒服，坐係銅鑼灣的核心地段，又唔駛排隊，就算你係呢度見唔到吳彥祖都抵黎食啦。
Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)

Monster Sushi的相片 - 銅鑼灣)
Monster Sushi

銅鑼灣波斯富街99號利舞臺廣場16樓A舖


============================================

感謝 技巧樹熊 提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong


============================================

~END~
人均 $180.00
商店 Monster Sushi (銅鑼灣店)