|
第二次造訪
|
|
lucywu
2016-01-24
621
0
|
分享
收藏
莆田之前係佢開張嘅時候已經係試過一次。由一個福建人係新加坡開嘅，主打新鮮嘅海鮮同埋簡樸嘅農家菜。今晚同埋屋企人黎再次到訪，5個大人加2個BB，門口等既時候有熱薑茶俾客人試，超辣，大愛呀，而且BB一人又有一個造型吹氣扭扭氣球。 興化米粉 興化米粉原來係有當地農民純手工製作嘅，聽講好有來頭，已經被列入為非物質文化遺產。 興化米粉嘅粉條好幼細，如髮絲般均勻，加埋d紫菜、花生同蝦，整體感覺融洽。 極品椒鹽豬手 豬手外皮呢好脆，而且入邊呢就好稔，一D都唔肥，，因為經過左長時間嘅烹調，所以豬手入邊嘅肥肉其實已經慢慢溶曬，剩番只係豐富嘅骨膠原，女仔食咗都唔怕肥呢。 百秒黃花魚 係老人家最欣賞嘅一道菜。 新鮮嘅小黃花魚重量岩岩好，而且肉質鮮美滑嫩，保留着清新嘅原味。慢慢將魚係魚湯嗰度浸熟，所以細路仔都啱食。 冰浸苦瓜 個苦瓜真係考驗到大廚精湛嘅刀工。經過冰鎮左，師傅再將呢啲苦瓜慢慢切薄片，砌成一朵花咁，點埋蜜糖就可以食出到苦瓜嘅甜，清新！ 九轉小腸 有個火熱住上既，整左好耐，所以腸完全稔曬，無渣既，一層又一層咁套著，貌似簡單，卻係難度菜呀！ 莆田扁肉湯$78 扁肉湯其實就好似一個雲吞湯咁，肉質彈牙，湯清甜，BB都飲幾碗。 莆田醉海蠣$88 將d蠔上粉炸到脆一粒粒，之後澆個酸甜汁。粒粒脆，包著鮮鮮肥美蠔仔，在口腔爆發 包菜拌飯$78 老人家始終都想食d飯落肚，亦係menu上為一選擇。比較著通，只加了椰菜、雞蛋、豉油咁，麻麻地。 黃金荷葉包$84 就係中式hamburger吧，炸左既饅頭，顧客自己加d肉絲落去夾住，幾惹味特別。 整體菜式唔錯，服務好，裝潢靘得體，係第二次光顧既原因。
感謝 lucywu 提供以上資料 lucywu 的網誌: http://www.openrice.com/zh/gourmet/reviews.htm?userid=162319&city=hongkong
|
~END~
人均
$180.00
| 商店 | 莆田 (鑽石山店) |