|
寒冬下＊泰有暖意
|
|
mohkc
2016-01-27
500
0
|
分享
收藏
| 天氣跌至59年嘅低溫，係咁嘅天氣梗係要搵班朋友出嚟聚下舊，幾經辛苦終於諗到食咩，一於即刻book枱食飯先！ 原來朋友已經我食過一次，佢就大讚上次嘅冬陰公湯好味，咁今次就試過其他新野啦！餐廳設於兩樓，有樓梯轉上就到， 地方都幾大，有卡位圓枱，另一邊有玻璃門做阻隔，我諗可以book嚟適合比一大班朋友聚會。餐廳有好多佛像嘅擺設， 一啲具民族色彩嘅布藝，餐廳格調悠閑，店員都好熱情招待，人手充足上菜速度都好快，小食價錢由$62-188，燒烤肉類及海鮮由$68-138，冬陰功及肉骨茶有分一位用或可以多人分享，價錢由$48-158！ 沙嗲串燒 $88 /6串 多數一嚟到泰式餐廳，都係點沙嗲串燒，分別有雞、羊、豬各兩串，份量大大串，烤完唔會好乾，調味適中，而花生沙嗲醬點埋一齊食就凍咗啲，如果可以整暖一啲相信香味更突出。 Chang $43 /支 我哋出嚟食飯都會啤返幾杯，沒有不飮象啤的理由啦！不過43蚊先得支細size都幾貴。 酥炸香茅魚配青芒果沙律 $168 店家推介呢道酥炸香茅魚配青芒果沙律，名稱賣相同樣吸引，原來廚師先將魚肉起件，連同魚骨炸好，上菜時魚骨放係底，一件件嘅魚肉放上面方便食用，再放已經炸透嘅香茅絲係面，更加菜色立體感，旁邊有酸辣醬及青芒果沙律 ，店員又詳細解析食法，配合一齊食可解煎炸食物嘅油膩感又更開胃。 泰式炒椰菜仔 $95 經過食泰菜都係炒通菜、芥蘭，見餐牌有椰菜仔有新嘗試就嗌個試下，將椰菜仔切開一半，因為有好多層葉，可以令醬汁滲透入去，每啖都有甜甜辣辣嘅味道，但有啲菜葉未夠熟會有苦澀味。 南瓜焗咖喱海鮮 $128 + 印度薄餅 $30 用原個南瓜一齊焗成，睇落幾特別就試一試，朋友對味道方面大讚，而且內裏有青口、蝦等感覺豐富，因為有啲飽肚我試咗少少，為方便食客蝦先分開一半，但肉質過熟影響口感，薄餅都係新鮮整熱，食落都唔錯。 南瓜布甸 $62 布甸送上時帶點微暖，而且用上原個南瓜清空內部，再倒進牛奶布甸，確實有驚喜，布甸甜道自然，食嘅時間切一份南瓜一齊食，淡淡的食飽食兩件都唔怕，推介大家嗌一個試下！ 平均消費 $273 /位，三位，2款小食 + 3 個菜式 + 1個甜品 + 4支啤酒 新泰東南亞餐廳 Sun Thai Restaurant 星期一至日: 12:00-00:00 截單時間: 23:30 灣仔盧押道20號其康大廈地下3號舖 分店：灣仔有另外兩間 Tel: 2327 3938
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$273.00
| 商店 | 新泰東南亞餐廳 (灣仔店) |