抱歉,發生點錯誤。
重新載入
難道是外國月亮真的圓一點? - 半熟工房
JannieWong
2016-02-03
517
2
分享
收藏
嚐過日本過江龍, 人氣一時的流心芝士撻後, 好想試試本地薑出產同樣人氣的半熟芝士撻一作比較, 但每次經過尖沙咀分店都是大排長龍, 怕排隊的我念頭隨即打消, 失望而回。 前一陣子半熟工房推出新口味 - 抹茶味半熟芝士撻, 這個新產品非常吸引抹茶粉絲, 為了要品嚐, 決定跟人龍搏鬥一番! 

星期六下晝到達, 人龍已經排到出門口, 不過都比高峰時短。 







店內以簡約淺木色為主, 除了芝士撻外, 玻璃櫃內還有售賣半熟蛋糕等甜點, 很吸引好想試試呢! 不過今次主要目的是芝士撻, 唯有留待下次再嚐吧!










排隊的人龍向前邁進得很快, 約二十分鐘已排到櫃檯。 玻璃屏風後放著焗好的芝士撻, 焗到金黃色的原味半熟芝士撻非常之吸引。 而隔離放了新出的抹茶味半熟芝士撻, 比預期深色和焦燶的表面, 感覺似班蘭, 而且非常搶手, 只剩下幾個!










前面還有兩位顧客才到我, 弄得我也慌張起來, 心裡不停念著: 不要搶光留下給我啊! 一個都好啦, 等我呀! 幸好他們都是買原味, lucky! 排了這麼耐, 當然要買回家分享, 所以每款味道各買了六個。 一邊包裝一邊收錢, 店員包得較為快手, 很快12個芝士撻已放入盒中了!




究竟有什麼原因會比日本過江龍賣得還要貴? 要試試一較高下!




半熟芝士撻 $22
芝士撻回到家仍有微溫, 立即嚐嚐。






芝士餡料用了北海道芝士加美國芝士, 光聞其實都已經很香芝士味, 尤其是邊位焗焦了的芝士更加香, 可能只是微暖, 所以中間的芝士餡料程微微的流心半熟狀態, 不過吃落沒太有預期的芝士濃香味撻皮是曲奇皮, 用了二重燒方法製作, 鬆脆香口, 確是不錯。




第二日用微波爐翻叮熱食, 可能雪了一晚再加熱, 半熟餡變得結實, 不過亦因為熱力而令芝士味道香濃些, 叮熱後撻面漲卜卜, 更好味呢! 











抹茶味半熟芝士撻 $22
帶焦燶的顏色顯得不似一般的抹茶味道, 而且邊位焗至有爆裂情況出現。



同樣回到家仍有餘溫, 中間餡料未至於流心狀態, 不過質感帶點濕潤效果 用了京都宇治抹茶粉但抹茶味不是太濃, 淡淡的茶味亦不算甘香, 反而用上北海道的芝士, 味道較為出眾, 蓋過了抹茶味。 雖然不是做得很細膩, 但亦稱得上幼滑甜度反而較原味高一點, 膩口程度屬一般, 可以追加多一件吃值得一讚是撻皮加入了抹茶粉, 帶點點抹茶香, 同樣鬆脆得來又不會易散。







同樣第二日用微波爐翻叮熱, 因為沒有建議翻加熱時間, 要自行試驗, 亦因如此叮多了幾秒, 中間的餡料爆了上來, 對外觀造成影響。 翻叮後抹茶味較微暖的為濃郁微澀點, 餡料亦變得較為實質。










兩款味道以芝士撻較為出眾好味, 如果要食流心餡建議即買即食。 如果想吃味道更濃郁, 建議翻叮後再進食。 論餡料味道, 日本的芝士撻確是做得層次豐富一點,出色一點, 好味一點。 不過論蛋撻皮, 還是一貫香港經典的曲奇皮略勝一籌!


============================================

感謝JannieWong 提供以上資料

JannieWong的網誌: http://janjancat.blogspot.hk/


============================================

~END~
林公子2016-02-04 05:21:22
+ 追隨
舉報
下次試埋蛋糕~

雖然貴左d~但可以一試

講堅勁貴~幾件撻就成舊水~
回覆
JannieWong2016-02-04 13:24:07
+ 追隨
舉報
佢既半熟蛋糕都好想試呀! 不過買左12件芝士撻後成二百幾蚊好肉赤,都係下次先試!
原文由林公子於2016-02-04 05:21:22發表
下次試埋蛋糕~

雖然貴左d~但可以一試

講堅勁貴~幾件撻就成舊水~
回覆
*/ $zopim.livechat.setLanguage('zh_TW'); $zopim.livechat.hideAll(); });