抱歉,發生點錯誤。
重新載入
蘇絲黄介紹,真係咁正?
井底龜龜
2016-02-04
317
0
分享
收藏
喺呢間餐廳食過三四次飯,冇一次有影相,因為每次都係客請食飯,我一般都唔會影啲食物,亦因為係咁所以冇諗過會寫佢嘅食評。

平時喺呢度食飯,我連餐牌都懶揭,只會叫是日午餐,算食得好簡單,今日比較特別,個客拍緊車,未入到來,就攞個餐牌揭下,發現阿蘇曾講過呢度有全港最好食嘅豬朳包,有咁高嘅評價,本來想叫個試下,但係嗰日係入冬以來最凍嘅一日,一個包根本唔夠飽,因為唔係自己埋單,又叫包又叫飯唔係咁好意思,所以叫左個豬朳飯食算。


就攞左個餐牌揭下 - 上水的榮昌茶座)


發現阿蘇曾講過呢度有全港最好食嘅豬朳包 - 上水的榮昌茶座)
豉油豬朳飯 HK$42


豉油豬朳飯 - 上水的榮昌茶座)


豬份量真係頗細,最多得塊半(切開哂) - 上水的榮昌茶座)
睇啲豬朳骨位並非据口,估計係新鮮朳,一啖咬落驗証無誤,充滿肉汁,鮮甜異常,而且不帶雪味,豬朳確係得!但係豬份量真係頗細,最多得塊半(切開哂) ,佢地間鋪響啲上水吊腳位,鋪租平,講真件頭可以大番啲,唔好咁寒酸;仲有佢地碟飯都好細碟,以當日咁凍嘅天氣嚟講,我係唔多夠嘅。
榮昌茶座的相片 - 上水)
總結 :雖然味道唔錯,應該未至於好似阿蘇講到嘅全港最好咁正, 加埋杯HK$16嘅熱檸蜜,呢餐飯要HK$58,性價比只係一般。


============================================

感謝 井底龜龜 提供以上資料

井底龜龜 的網誌: http://www.openrice.com/zh/gourmet/reviews.htm?userid=59113883&city=hongkong


============================================

~END~
人均 $58.00
商店 榮昌茶座