|
外表從來都是不能靠譜的東西 2
|
|
技巧樹熊
2016-03-01
345
0
|
分享
收藏
| 如果你有看過我的食評，你就知道我上次說的一個故事，然後你會話女人，總是為一個情字一髮牽動全身，還有你會知道男人靚仔總是冇本心又愛溝女，但很多時間，女性，總是愛不能靠譜的東西。 上次聖誕我們的相聚，我這個損友是完全唔支持你愛外表的行為，老實說，佢又大隻又靚仔又風趣又識溝女的情況下我一定是唔支持的，可能因為我是男人我有妒忌心我又肥又唔靚仔又冇錢又唔風趣又悶的關係，我完全唔同意佢要同其他人分佢，仲要係介入一個係別人情夫的男人，仲要對手有幾個。 嘩，前幾日我又見到條友，個條粉人又拖住另一件，救命，然後我打俾我個朋友C，相約於銅鑼灣食個晚飯，順便睇下佢近況，剛巧有朋友又約我個日食飯，老實說，當然是朋友重要，起碼我想聽到佢話：我唔要個賤人啦，慶祝下啦。 係個conversation裡面，我好明咁講:無乸野呀，靚仔都唔駛咁啦，大哂咩。 佢好似明白，但實質唔明。佢話佢已經唱連詩雅到此為止，我估可能佢應該好番吧。 我以為我好明白女人。 於是我話，食飯先講啦。於是我們便相約在銅鑼灣飯聚，以為可以慶祝佢逃離魔掌，告別斗室。 世事就係咁奇妙，碰巧撞左我食飯的朋友個飯局，最巧合係那天晚飯相約於上次聖誕見到C小姐的小甜谷。 有時候，凡事就好似做戲一樣咁巧合。 上次食小甜谷，了解到外表從來都是不能靠譜的東西，美淪美奐的食物有時候絕對不夠外表不討好的食物出色，一反常態，你以為以甜品作招徠的小甜谷都是靠美嗎？也不是，內涵從來都是最重要的，食物如是，男人女人也如是。 約左朋友當然要去，所以係見C小姐前，我來到了食過快飯。 來到朋友都已經準備開始，人人都飲上次個菠蘿仔，我當然要試新野啦。 西柚汁其實都幾精美，說真外表是不能斷定一切，但我們都是凡人，特別愛漂亮的東西，上次雖然覺得未是最好的都要試下佢standard有冇進步，今次的西柚汁，又酸又濃又夠“杰身”，上次的菠蘿有點過甜，但今次西柚卻是正常的呈現，真正西柚味的感受，就如你的另一半，外表多好，路遙知馬力，日久見人心，幸好，今晚一啖已經知道其心。 有時你要知道為了感情可以付出多少，就如我上次明知外表好但有機會冇咁好喝，我依舊選這個好似生果咁嘅樣嘅果汁來試，但我有心理準備，輸都輸得開心和應該，又或者你明知愛上那外表型又大隻又乜又七仲要有女朋友，你都應該知道冇乜後結果，而且冇得怨，因為你選擇，凡事有trade off ，但係女人總是投放感情後就會不理後果，就如C小姐，這樣我同你吃十次飯都唔掂，我只能請你飲多杯菠蘿汁，告誡了唔好更重複犯錯。 帶子合桃沙律，用合桃為主角的確令人覺得新鮮，那個爽到不得了，咬落咯咯聲的合桃和帶子，是很少在沙律此等菜式見到的。 香辣魷魚，這個像是酒吧的前菜，的確和這裡的風格有少少格格不入，但問題是那個魷魚的確炸得美味，那些香辣味非常引人入勝，你不會想像到一間decent的cafe有咁野性的東西，如果你在這裡我們又有兩杯酒精入腦，我絕對毫不猶豫叫你離開那個賤人。 不過，細事好奇妙，就如這裡沒有酒飲但有佐酒的小吃，世事非你估得到，然後那天晚上我問C小姐是否已經和那個男人沒有關係，誰知那答案比我想的更荒天下之大謬。 她說："我作為第三者，我明白啦，我會放下一點睇開一點，好似前排有流星雨睇，佢就帶左我去睇，知我鐘意食甜品就同我去食，我見佢咁識做，咁我都識啦，我咪去佢屋企訓一晚咁多。總知，我好知足就開心啦，唔會要求多。” 佢無可求藥的程度，我真心頂唔順，我後悔我個晚早走，我應該繼續食飯，特別食多隻雞翼。 這類的脆雞翼又香口又辣，又係像佐酒小吃，停不了給你味蕾刺激，食到個人都會火辣起過來，如果那刻當我聽到C小姐說睇流星雨，我想一盤雞翼倒入佢怕辣的口中。 黑松露野菌湯，那個是絕對有實感和整口是滿足的黑松露和野菌，實實在在的好味，沒有華麗的樣子，就連平日美侖美奐的包也實而不華但又脆脆又好吃，像C小姐的女孩大約也不會愛，就如我們冇外表也唔靚仔，註定收擋，不過，我希望有人會欣賞呢度嘅黑松露野菌湯。 由於朋友C在等我吃晚飯，我自己叫了個飽肚的東西便算了。結果我選了蠔肉卡邦尼意粉。 這裡上次吃的意粉做得不錯，今次也是，那個卡邦尼的汁是剛剛好的味道，不太濃又不太淡，和那意粉的適合彈性就如兩兄弟，最好的是，簡單肥美的蠔肉沾上卡邦尼汁也不膩，最重要價錢平。 有時，貴不一定好，要男友是有錢或是消防隊員，他們就會有機會令你沒有安全感，你是明白的，只可惜你會繼續選擇不歸路，就和C小姐般。 天氣依然是寒冷，食完呢個晚餐後好想喝番杯暖飲品，其實好想飲上次的那個smoothie，那個絕對是我很喜歡的飲品之人，係我很醜但我很溫柔的例子，於是我特地叫了一樣有抹茶牛奶，那樣子也算不錯，味道好，直逼那些日本來的品牌，終於，我試到有外表又靠譜的東西了，這刻我希望C小姐和我一起喝這杯抹茶牛奶。 對，食左兩次才找到一個內涵和外表都滿分的飲品，如果食飯如是，那麼愛情路上又點會唔係咁呢。 你究竟什麼時候醒？我想那個男子會因一腳踏幾船而被破相，你才會醒吧。 小甜谷 Dessert Kaffee 銅鑼灣謝斐道482號信諾環球保險中心地下4-6號舖
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
人均
$190.00
| 商店 | 小甜谷 (銅鑼灣店) |