高質火鍋*路邊煱 Road Hot Pot
|
|
暴食小公主
2016-02-24
622
0
|
分享
收藏
話說男友因為工作關係去左土瓜灣 所以收工就去左Join佢同埋佢既同事食飯喇 我地3個都唔多熟呢區 係開飯app見呢間火鍋店幾多人like 所以就去左試一試喇 入面裝修雖然唔算好豪華 不過燈光好光猛,d枱都排得好整齊 成個環境感覺唔錯 呢到係用點心紙落單 食物既種類都唔少 仲有大大個poster標榜食材新鮮 食下睇過有冇呃人先 未食之前先混醬 醬料選擇唔算多 不過應有既都已經齊哂 麻辣鴨舌 $48 未打邊爐之前叫個餐前小食先 食落先有花椒香,之後慢慢辣出黎 不過鴨舌唔夠爽口 招牌烤魚鍋 $268 呢到除左基本既火鍋湯底 仲可以叫雞煲同魚鍋 諗住魚煱無咁多肉,可以試多d其他野 所以就揀左魚煱 條魚先炸過,所以食落好香口 魚既肉質好滑,但又唔易散 (其實我問左個魚名,但唔記得左,so sad) 加埋個有少少辣既汁,真係好惹味 手切本地肥牛拼牛頸脊 $288 咁食火鍋又點可以唔食牛 睇相都知好新鮮啦 肥牛因為多油脂,食落滑d同油香多d 牛頸脊就肉味比較重 兩樣各有特色,但一樣咁好味 鳳城水餃 $48 睇開我個blog都知我有幾鍾意食餃子 呢到既水餃唔錯,大大粒超多料 而且入面多菜少肉,仲有甘荀絲 食落有d甜味 可以平衡番個鍋既重口味,唔錯 蟹籽墨魚滑 $88 墨魚滑真係打到起哂膠 我地畢出黎果時係一絲絲好膠身 熟左又爽又彈牙 鹹蛋黃墨魚丸 $88 點菜果時見到即刻tick左 食果時會咬到一粒粒鹹蛋黃 D咸香同比較淡味既墨魚丸好夾 有新鮮感得黎又好食 雜菜 $38 相影得唔好,其實total有3個菜 分別係生菜,唐嵩同埋西洋菜 3個菜都好新鮮 而且值得一讚既係佢洗得/揀得好乾淨 炸芋頭 $32 我同男友都係芋頭怪 雖然已經好多野食,但都堅持要叫 最後果然不負所望 個芋頭炸得超乾身同脆 我試過就咁食都好好味 而且芋頭本身好靚 食落去好粉糯,一食就停唔到口 紫菜炸響鈴 $46 見佢括住個首創所以就叫左 響鈴係新鮮現炸 不過炸得好乾身,而且唔油 咁脆卜卜就唔駛講 加埋個紫菜食落無咁寡,係幾特別 我地3個人食完都一致好評 食物夠新鮮,質素又好 特別推介一定要食個牛、炸芋頭同埋鹹蛋黃墨魚丸 另一點要讚既係店員,雖然好似得3個店員 但佢地每個都好好禮貌 不時會留意我地要唔要加水,有冇野食完要執 你要知而家好既服務真係難求 佢地既態度係真心impressed到我 雖然地點唔係太方便 不過都推介大家去試一試
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$200.00
商店 | 路邊煱 |