自從在zone one zone發現泰然後, 現在差不多每月最少會去一次, 已經去了五次了, 有時自己一個去, 有時跟老公一起去, 技師技術唔錯, 由於我成日膊頭痛, 我每次都是按兩個鐘推油, 每次按完都鬆晒, 好舒服, 而且價錢好合理, 話按兩個鐘真係足兩個鐘, 所以都一直keep住去, 但令我最不滿的係房間的私隠度, 因為沒有真正的房間, 每張床都係由拉的布簾去做間隔, 由於我做推油, 所以我係要除晒衫的, 有兩次我同老公一齊去, 技師無問過我, 無經我同意, 就將我同佢中間的間隔簾拉開咗, 方便兩位技師傾計, 我其實真係好嬲, 因為我同老公由入店到上床按摩, 無拖手, 無親蜜舉動,言談間亦無表示過大家係夫妻, 而技師亦無問過我地關係, 正常情況下, 只能說佢係同我一齊上來的異性, 無理由知道佢係我老公, 如果技師靠估, 咁對我真係好無保障, 因為如果佢只係我朋友或同事, 我光脫脫俾佢望到, 咁咪會好尷尬, 呢個問題, 我離開時已向老闆娘反映過, 因為每次結賬時, 佢都會問客人覺得今次技師服務點? 所以我同佢反映了, 但之後再來, 仍然有發生同樣情況, 所以之後再去我都主動同技師講唔好拉開簾, 而其後有一次再去, 我坐係度等緊安排按摩床位時, 技師拉開咗其中一個客人的簾準備入去, 但又未入, 繼續同出面的技師講野, 持續咗十秒左右, 呢段時間, 我完全清楚望到裡面瞓係度等緊的客人個肉背, 好彩的係個客唔知, 但我調返轉咁諗, 如果趴係床上等推油果個係我, 我一樣係俾人拉開咗個簾都唔會知, 呢方便我真係希望可以改善, 唔係真係好難再去幫襯, 唔好浪費咗技師的好技術同掌櫃的好服務,.

 

 

 

泰然  回覆會員

 

Sam Ho，你好！

首先十分感謝你一直以來的支持及對本店按摩技術的認同，對於 Sam 你的意見我們非常關注！

泰然是一間傳統、正宗的泰式按摩店，希望客人在本店能享用到正宗的泰式按摩外，亦同時能放鬆身心，感覺猶如置身於泰國一樣，所以本店在間隔及佈置等各方面泰然亦花了不是心思，希望能在配合泰式及香港人需要兩方面盡量作出平衡。

對於今次事件，本人非常感謝你將這裝修漏洞告之泰然，本人十分重視，對於有關事件，本人代表泰然作萬二分的歉意，及馬上修改裝修之漏洞，本人在此保証，各位客人絕對可以放心，本店暫時已經加強了私隱度，亦會加强與技師和客人間的溝通，盡量減少同類型出錯。希望日後各位客人能更安心地享受按 摩服務。

再一次多謝 Sam 的支持及意見！

泰然負責人

============================================


感謝Z1Z提供以上評論
Z1Z的網站：www.zoneonezone.com

============================================