各種配搭的全日早餐 SeeWide

唔知甚麼時候開始大家都好鍾意食全日早餐，亦唔知幾時開始all day breakfast有個咁嘅中文譯名。是日同勁鍾意食all day breakfast嘅朋友黎到la kaffa，佢覺得好正，有好多款唔同配撘嘅全日早餐，難得黎到，梗系要叫個豪華版啦。
La Kaffa的相片 - 北角)

先點了一客鮮蝦凱撒沙律，沙律菜，蕃茄仔等十分新鮮，爽脆多水，半熟蛋嫩滑蛋味濃，沙律醬不太酸好creamy，唯鮮蝦我覺得可有可無，蝦是鮮甜的，但好似同凱撒沙律唔多夾。
La Kaffa的相片 - 北角)

再黎一客小食，魷魚圈配薯角，魷魚圈不算太厚粉，剛剛炸起好熱，咬落好彈牙，薯角亦很脆口，點少少茄醬好正。
La Kaffa的相片 - 北角)

朋友勁鍾意食雞翼，堅持要多叫一客小食雞翼三重奏，分別係檸檬雞翼，水牛城雞翼同玫瑰雞翼，檸檬味感覺有點像西檸雞，但更甜，用上真蜜糖。水牛城帶少少辣，很惹味。玫瑰很香，淡紫色，帶著一片片花瓣，好夢幻嘅感覺，又香又甜，三款都好味。
La Kaffa的相片 - 北角)

自己點了一客較簡單的早餐，火腿芝士鄉村旅館，好奇怪嘅餐名……主要係被呢個芝士加火腿絲嘅奄列吸引而叫的，果然無失望，芝士下得很多，咬落一絲絲，加上火腿咸咸地，蛋又嫩滑，好味！另外仲有麵包三片，牛仔腸兩條，薯餅兩塊，粟米粒等，超抵食勁飽肚。
La Kaffa的相片 - 北角)

另一份叫左最豪嘅白金漢宮豪華班尼廸蛋，一上黎，個份量唔講得笑，一大堆！腸仔都有四款，仲有煙肉，粟米粒，麵包，薯餅同兩大隻班尼廸蛋加英式鬆餅，真係飽到無朋友。味道亦好正，蛋煮得剛好，咬落蛋汁爆開，蛋下仲有火腿，蛋汁加火腿嘅咸味再配上鬆餅真係一流。粟米粒已混牛油，又甜又香，其他食材亦好好食，一個字，正！
La Kaffa的相片 - 北角)

朋友點嘅凍薄荷朱古力，朱古力較淡味，薄荷味則幾突出。
La Kaffa的相片 - 北角)

自己點了鮮奶咖啡大杯裝，不知何解要用紙杯上，方便拎走！？有個簡單嘅拉花，味道一般，咖啡有點酸酸地，唯有加多啲糖吧。
La Kaffa的相片 - 北角)

埋單，價錢唔貴，食物有水準，飲品則一般，總括黎講都係好抵食嘅，想食全日早餐一定黎呢度。

============================================

感謝 yuchiro 提供以上資料

yuchiro 的網誌: http://www.openrice.com/zh/gourmet/reviews.htm?userid=444085&city=hongkong

============================================

~END~

人均 $175.00

商店	La Kaffa (北角店)


抱歉，發生點錯誤。重新載入


(0)	(0)	(0)