抱歉,發生點錯誤。
重新載入
虎家慈善日 – 宣明會赤腳行 + Unicef小畫家大夢想
3BMaMa
2016-02-13
1096
0
分享
收藏
晨早流流,腳踏人字拖去到海邊,搞咩?!?!

答案就係參加香港世界宣明會一年一度

喺清水灣鄉村俱樂部舉行嘅「新春童樂赤腳行」

今年第一年同野人參加赤腳行。。。

見佢地呢個唔太順超樣,唔知轉頭會唔會抗拒「赤腳」?!?!?!

今次約埋力行一家參加赤腳行,齊齊做慈事

為印度貧困孩子籌款 :)



好朋友就是愛用同一品牌 XD

大家都脫好鞋,影張赤腳照,準備出發!!!!!

其實野人唔太討厭赤腳,但呢張相。。。

只可以講。。。佢地交足戲!!!!!!

出發出發出發!!!!!!




我確實係幾鍾意帶野人參加慈善行、慈善跑之類嘅活動

因為每一次都係一個教育野人嘅好機會 :)

在我立場,幾能幹幾有學識嘅人都好

如果睇唔到其他人嘅需要,幾叻都冇用!!!!

能幹嘅人,就係要運用自己嘅影響力,幫助更多人 :)

本來都天陰陰,愈行愈好太陽

中場休息:環境優美嘅GOLF草地




風景一流!!!!!


休息完畢,準備回程時,聽到大媽一番話

簡直令我下巴跌落地!!!!!

大媽向著全家人呼籲:

「趁行完草地對腳乾乾地,著番對鞋啱啱好」

我心諗「未行完呀喎!!!!!!!!!」

其實未行完就著番對鞋,一開始唔赤腳都得啦-___-

力行上半場行得有D唔耐煩

但回程時,好似變咗第二個人!!!!!

完全開懷唒!!!!!!!XD




终點就係起點嘅大草地,有洗腳嘅設施

所以呢,大媽其實唔使心急著鞋丫XD



新春童樂赤腳行,有兩個組別報名

一個係只參加赤腳行

另一個係參加赤腳行 + 體驗WORKSHOP

體驗WORKSHOP地點就喺大草地

我地雖然冇報名參加體驗WORKSHOP

但大草地位置另外都設有少量BOOTH

俾我地更深認識印度小朋友嘅生活環境、需要

拎埋証書,我地就要急急腳離開,趕去下一場。。。

ON THE WAY去下一站

停喺路邊食個快LUNCH

其實我好鐘意幫襯呢D路邊士多仔

當然要喺冇狗嘅情況下,哈哈哈哈


話咁快,由清水灣去到銅鑼灣

目的就係要參加上年野人都有參加過嘅

「UNICEF小畫家大夢想」繪畫比賽

野人都愛畫畫,特別係弟弟

所以佢地都好樂意再參加呢個活動



唔知係咪活動期間仍處於學生新年假期

可能去拜年?!可能去外遊?!

今年覺得比上年冷清。。。

畫,好快就畫完。。。

今年題目:我最開心的。。。

兩個野人都畫「郵輪」

虎家慈善日都因著呢兩幅畫作嘅完成,完滿結束 :)


 
 


============================================

感謝 3BMaMa 提供以上資料

3BMaMa的網誌: http://www.bbbmama.blogspot.hk/


============================================

~END~
商店 清水灣鄉村俱樂部