|
再訪粉紅巴黎鐵塔
|
|
yuchiro
2016-03-27
387
0
|
分享
收藏
| 嗚嗚，餐廳昏暗拍不到好照片，這裏的出品都好靚啊。見ig上的小鴨子太可愛，點都要了影一下。 先點個同樣多人洗板嘅strawberry me，一杯粉紅色的飲料，杯邊黏上朱古力彩條，上面仲有威化餅，士多啤梨pocky，士多啤梨粒，朱古力，同針筒等，賣相香甜誘惑，實在令人印象難忘。味道有著濃郁嘅士多啤梨香，入口甜美，貌似酒精不多，非常容易接受。 另一杯就係為左呢隻小鴨而黎嘅，好得意呀，浴缸做形嘅酒杯，放了小鴨子同泡泡幾有意景，上面仲有爆炸糖，入口更刺激。味道則是紅莓味，酒精較strawberry me多一點，但入口同樣香甜容易接受。 上次黎食過生蠔好正，今晚又叫先，叫四隻有優惠，點了美國蠔同法國蠔，名字已經忘了，反正問過店員叫他們堆介的，一定無死。美國蠔體形較大，肥美滑口，法國蠔感覺上較爽口，蠔味較重，兩者都好好味，要選的話個人較喜歡creamy口味的美國蠔。 德國腸併盤，香腸有六條之多，大大盤一啲都唔少野，醬料有芥末，茄汁，燒烤醬，仲有酸青瓜。黎到香噴噴好吸引呀，腸有香草口味，黑椒，辣味等，亦有雞肉，豬肉，牛仔腸，要細分有點難道了 大家都搶住食無深究，反正就是好味！個人覺得辣味脆皮最深印象，第一口真係辣到跳舞，即刻要啤一啤佢。原來香腸配啤酒咁正，唔怪得咁多人點。 呢個單車做形有乜？原來係炸魚薯條，兩邊輪子旁放左茄汁同他他醬，個盤設計得好正，淨係呢架單車都攞滿分了。講返味道，又真係好好味喎，唔係得個樣，薯條香脆，粗身富薯味，有口感，炸魚粉唔厚，熱辣辣，一絲絲魚肉彈牙又鮮甜，同一般冰鮮貨唔同，真係有姿勢有實際，正。 見人食得好好味咁又追加左呢個白酒忌廉煮蜆伴蒜容包，個白酒汁勁正，好creamy好鮮甜，啲蜆嘅鮮味入哂去，蜆好大隻，好鮮好有咬口，有殼嘅蜆真係好食好多。旁邊嘅蒜容包點汁食一流，包好香蒜容味，唔咸，烤過都仲好軟熟，正正正。 飲飽食醉再追加手工啤酒兩支，聽就聽得多，都係第一次飲，要左酒精較少嘅peach味同chocolate味，peach香甜帶微酸，朱古力甜甜苦苦好特別，兩支都好好飲，入口順喉，雖然酒精濃度不高，但飲完都真係有少少醉意，哈哈。
感謝 yuchiro 提供以上資料 yuchiro 的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$200.00
| 商店 | Mini Club (銅鑼灣店) |