聚會 @ 有蒸氣海鮮石鍋專門店食飯
|
|
sky_0721
2016-03-29
558
0
|
分享
收藏
一大班朋友食飯, 除了火鍋和放題外, 最近越來越多去食蒸氣火鍋, 所以今次我地去了位於尖沙咀的有蒸氣海鮮石鍋專門店食飯. 我地先點了兩個小食, 分別是酥炸墨魚頭和秘制花甲. 酥炸墨魚頭 $98 這個酥炸墨魚頭唔會炸到好油膩, 墨魚頭肉質夠彈牙, 就咁食已經夠味道. 秘制花甲 $68 初時以為是熱食, 原來是冷盤. 這個帶少許辣辣地, 餐前食, 幾醒胃, 而花甲幾爽口. 接着就是我最期待的海鮮時間. 這裡每一款蒸野都有職員代勞, 客人可以安心慢慢食. 來這裡食飯, 不同時期會有不同優惠, 今次就是每人送一個黑松露蒸蛋. 蒸完後, 蛋面好滑身, 時間控制剛剛好. 入口夠嫩滑, 而且帶有淡淡的黑松露香味. 另外, 我地粥底選了南瓜排骨粥底 $128. 這是最後時食. 紐西蘭蟶子 $68/隻 蟶子好大隻, 當中還加入蒜蓉和粉絲. 蟶子好鮮甜, 又夠爽口彈牙, 完全不覺得硬身, 入口仲多了一份蒜蓉香味. 而粉絲必定要食, 因為吸收晒蟶子的精華所在. 花螺 $164半斤. 平日我較少食螺, 因為覺得進食時有點麻煩. 但這個花螺只需用义一拮一拉, 便能輕易取出來. 螺肉帶點咬口, 多一份口感. 日本大元貝 $88/隻 這個大元貝好大隻, 元貝色澤雪白, 夠新鮮, 入口彈牙. 時間控制得宜, 不會過硬. 一口氣食了多款海鮮, 最後當然要食番個粥. 粥底已經煮到好綿身. 粥好甜, 完全吸引晒所以海鮮的精華. 而排骨煮了咁長時間, 也不會乾和硬, 非常好味.
感謝 sky_0721 提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
商店 | 有蒸氣 海鮮石鍋專門店 |