高熱量餐飲 SeeWide

來接萬邦行的舊同事放工，順便出黎吹水食下飯。佢問想食咩，其實又無乜野特別想食，咁不如食啲少有機會食㗎啦，一齊黎左呢間東歐菜餐廳，其實係食乜嘅呢？真係無乜概念，入去先算。
東歐餐廳的相片 - 中環)

店內頗大，裝修好傳統，枱上呢個蠟燭臺幾古典，非一般現代的蠟燭燈。四圍望望，柱子，枱櫈等都經過一定的時間洗禮了，雖然老舊但感覺溫馨，有點七、八十年代拍電影的場景feel。而食客則是老華僑和外國人佔多數，還好同行友人亦是熟客，打打招呼示意，佢話佢有黎食開lunch的。
東歐餐廳的相片 - 中環)

由朋友拍板叫左幾樣野，仲叫左呢個立陶宛果酒，一罐士多啤梨味，一罐蘋果味，甜甜的無乜酒味，好易入口，$69一罐都抵飲。
東歐餐廳的相片 - 中環)

俄國雜錦沙律 $62
俄羅斯咁凍都食沙律嘅咩，真係唔知喎。呢個沙律有不少香腸粒，火腿粒，薯仔，紅蘿蔔，青瓜，雞蛋等混成，仲落左大量沙律醬，簡單又好味。雖然材料睇落好普通，但食落又唔似港式嘅雜果沙律，無咁酸同水，呢個俄國沙律好飽肚。
東歐餐廳的相片 - 中環)

雞肉蘑菇卷 $68
一舊咁放係一碟白色汁上面，賣相一般。
東歐餐廳的相片 - 中環)

切開裏面包著雞肉同蘑菇，料極多，塞到滿滿的一啲都無稀場。雞肉嫩滑，蘑菇多汁甜美，酥皮勁酥多牛油，整體味道不錯，最正係個汁，一定要點黎食，又香又滑帶強烈嘅dill味，真係汁都點哂。
東歐餐廳的相片 - 中環)

估下呢盒係乜……？

招牌芝士焗牛脷盅 $78
一打開就聞到香噴噴嘅芝士味啦～
東歐餐廳的相片 - 中環)

小小一盅但入面全部都係牛脷，完全無欺騙成份，只有一兩粒蘑菇點綴而已。牛脷燉得軟腍入味，切成一粒粒好易食，一啲都唔難咬開，強烈嘅芝士味超正，如果叫白飯，應該可以下到兩三碗，好味到無野好講，唔怪得係招牌菜。
東歐餐廳的相片 - 中環)

又一盒，再估下係咩？
東歐餐廳的相片 - 中環)

焗蘋果鴨胸 $138
呢個係主菜所以大盅啲。
東歐餐廳的相片 - 中環)

鴨胸淋甜

大量蘋果～呢一味同樣出色，入面有蘋果，洋蔥，蘑菇，紅蘿蔔同鴨胸等燉成，啲汁勁鮮甜，簡直可以當湯飲，鴨胸肉已炆得很淋，吸哂蔬果嘅清甜，又係好正嘅一味。兩個盅都有塊酥皮蓋住，整爛個皮點汁食一流，勁飽呀～

點了三款小食一個主菜，但其實分別不大？小食一啲都唔小，同樣係飽肚野黎嘅，兩個人叫太多啦，原來酥皮咁飽，下次可以叫少啲或者揀啲無酥皮嘅野，睇菜名真係唔知係咁㗎。

啲野好食又唔貴，仲有個靚仔侍應，哈哈，有下次

============================================

感謝 yuchiro 提供以上資料

yuchiro 的網誌: http://www.openrice.com/zh/gourmet/reviews.htm?userid=444085&city=hongkong

============================================

~END~

人均 $266.00

商店

東歐餐廳


抱歉，發生點錯誤。重新載入


(0)	(0)	(0)