抱歉,發生點錯誤。
重新載入
如果林生唔鐘意雲呑麵
技巧樹熊
2016-04-21
272
1
分享
收藏
口味嘅野,你有我有,人人不同,從來都沒有一定的事實,只有大眾與偏僻。

就等如,以雞來講,你喜歡雞胸淡淡肉,佢喜歡雞翼有骨俾佢慢慢先滋味,我鐘意食雞脾肉較滑,重口味可能鐘意食雞屎忽雞頭,又或者男人鐘意雞,女人係咪鐘意食鴨呢?所以口味呢家野,人人唔同,你的標準可能就是我的底線,我覺得好好你覺得一文不值,百貨百客,從來就是市場的基本運作。

正如電影,你覺得呢套好睇個套唔好都係好個人的事,就算金像獎的評審都自然有自己的想法或興趣,我們又點會有資格說一樣東西好不好,值不值得呢。

林生說,剛拿了最佳電影的電影絕對不能代表香港,因為佢話如果以一種食物來代表香港,咁你會唔會用雲呑麵先。

我唔明代表一個地方的食物要有什麼資格,駛唔駛填表,選舉,公投,申請和等待批核呢d business as usual的程序,我只知道,我很喜歡吃雲呑麵,林生的說法令我立刻想想我到底是不是同樣講出來笑大人個口。

咁如果有人過黎香港旅遊要食代表香港的食物,咁會係乜呢?如果雲呑麵唔係,一定不會是那些魚蛋燒賣吧,唔通係帶佢地食鮑參翅肚?我腦海實在想不到有什麼代表香港。

有朋友很久不見了,約出來聚舊一下,於沙田相約,想有個好點地方坐坐,朋友推薦了新新地開的正斗。
正斗粥麵專家的相片 - 沙田)
剛巧林生的語論一出,我想叫我的朋友唔好食正斗,因為可能朋友好支持林生而出名食雲呑麵嘅正斗不能代表香港搞到大家關係唔好連朋友都冇得做就唔好啦?但係我個朋友逆向思考,佢話,就係咁先要去,有話題,可以呃like,tag係facebook好多人贊好,於是二話不說就訂位。

來到了正斗的晚上,其實又係各有各食,說老實,吃完下午茶的我,太大的胃口就沒有了,只是輕輕一吃,可以吃什麼呢,當然是我最愛的雲呑麵啦。

我告訴你,今晚我沒有選雲呑麵,不過,原因唔係因為林生唔鐘意雲呑麵。

就算不吃雲呑麵,廣東的麵吃博大精深,不吃雲呑有水餃牛腩牛筋魚蛋牛丸河粉米粉粗麵幼麵,我相信佢絕對不是林生看得咁膚淺。
正斗粥麵專家的相片 - 沙田)
今晚我選了的是水餃炸醬麵。如果林生唔鐘意雲呑麵,其實仲有撈麵,而且撈麵往往身價高一點,你知唔知點解呀,因為佢用兩個麵餅或個半麵餅,不過可能林生是上流社會的人,不會認真研究,可能雲呑撈都好好食,亦更能代表香港特色。
正斗粥麵專家的相片 - 沙田)

正斗粥麵專家的相片 - 沙田)
因為林生我唔想呃like叫雲呑麵,叫到的炸醬麵是說不出的好,麵條是剛剛好的上盛,彈牙有質感,每條沾上炸醬汁後的感覺是與生俱來的味道一樣好,不過炸醬好像較平時辣了一點,但有什麼問題,更好吃更惹火,就如林生的言論般。
正斗粥麵專家的相片 - 沙田)

正斗粥麵專家的相片 - 沙田)
不過就實,這裡的水餃今晚就包得麻麻,和雲呑對比,我想起台灣的cafe店名,穿越九千公里交給你,如果你想吃,我會選擇送給你食,我不太喜歡水餃那不太飽滿的感覺,唔係唔好,只不過我相信水餃在正斗的手上可以做得更好。

那個湯是甜到不行,滿碗都是大地魚的精華,我一口就喝完。
正斗粥麵專家的相片 - 沙田)
我相信林生咁有遠見又識飲識食,會毫不猶豫地吃點健康的東西,見到麵只有兩條菜的話一定大發雷霆,有見及此,我叫左個清菜,毫不猶豫地學有錢人的養生概念,菜很簡單,好吃無沙無油就是最好了。
正斗粥麵專家的相片 - 沙田)
各有各食的時候,你想叫乜都冇人阻止你,因為呢度係實行問責制,而我選了另一香港的代表點心。

我鐘意食燒賣,不過我的朋友Miss E說蝦餃才是點心的皇者,我不是林生,我最接受別人意見,於是我叫了點心,一碟蝦餃。
正斗粥麵專家的相片 - 沙田)

正斗粥麵專家的相片 - 沙田)

正斗粥麵專家的相片 - 沙田)

正斗粥麵專家的相片 - 沙田)
蝦餃的皮很薄,熱辣辣的就如初生之犢的柔膚,裡面包著的是大大粒的蝦肉,我相信Miss E應該十分喜歡。

談天說地這樣又一晚,越談越起勁,然後叫了杯豆漿,養生嗎,當然味道是十分佳,可能你又會覺得豆漿有乜特別,又係難登大雅之堂的選擇,老實講,口味嘅野,人人唔同,你識條鐵咩,可能林生話,要談天說地應該飲紅酒吃雪茄,但一百種人一百種生活,如果林生唔鐘意雲呑麵的時候,你很鐘意食雲呑麵有乜辦法,各有各食,大約就是最方便的方法。
正斗粥麵專家的相片 - 沙田)
只不過,你有你食我有我食都也是共同坐在香港的桌上,有什麼代表不代表,口味就是各人不同用自己的口感受的味道吧。
正斗粥麵專家的相片 - 沙田)

正斗粥麵專家的相片 - 沙田)
正斗粥麵專家 Tasty Congee & Noodle Wantun Shop

沙田沙田正街18號新城市廣場1期1樓119號舖


============================================

感謝 技巧樹熊 提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong


============================================

~END~
EEChan2016-04-24 13:19:37
+ 追隨
舉報
雲呑麵是香港招牌食物來㗎
回覆
*/ $zopim.livechat.setLanguage('zh_TW'); $zopim.livechat.hideAll(); });