|
食物質素尚可, 服務就有待改善 @ 至尊滿屋日本料理
|
|
sky_0721
2016-05-06
348
0
|
分享
收藏
友人愛食日式放題, 所以早前食飯去了位於旺角的至尊滿屋日本料理食飯. 這裡的種類也有不少, 例如刺身, 壽司, 單品料理, 炸物, 卷物, 燒物等, 而飲品和甜品就是自助形式. 由於我要加班遲了到達, 友人先點了刺身來食. 我到達後, 就從中幾點其中幾類的食品, 以我所見人手不足, 食物上枱的時間好慢, 等了好耐才有一兩款食物. 炸物點了芝士年糕, 芝麻雞翼, 吉列炸帶子, 自家制吉列蠔等. 幾款味道也不錯, 芝麻雞翼, 它炸得幾香口, 外脆內嫩. 吉列蠔的蠔味尚算濃郁. 而芝士年糕是必點, 時間控制不錯, 咬開時仲見到溶中的芝士. 焗廣島蠔. 上枱熱辣辣. 蠔面上放滿了芝士和煙肉, 多重口感. 鹽燒牛舌. 牛舌厚薄適中, 帶點咬口, 我幾鍾意佢調教的味道, 較為濃味, 啱我口味. 雪花牛肉鍋. 份量也不少, 鍋裡除了牛肉外, 尚有各式各樣的蔬菜等配料, 幾豐富. 牛肉也算腍身. 天婦羅蝦和冬菇天婦羅. 炸漿幾薄身, 唔會過厚, 蝦幾彈牙, 而冬菇口感不錯. 每位客人可以選一款雪糕, 我揀了MOVENPICK朱古力味. 這裡的食物質素尚算可以, 但服務就有待改善. 放題夠鐘前四十五分鐘, 店員告知仲有十五分鐘便截單, 我地便同佢講我地點的食物好多還沒上枱, 佢叫我地再落單, 漏單情況嚴重. 到我地再落單後過了一陣, 食物就一湧而上, 枱上不但無位放, 而且我地係食不切, 後來發現有些食物重覆, 應該是首次落單的部份食物不知發生咩原因才上枱. 這裡的服務沒有效率, 不論是漏單或是上枱速度也有好大改善空間, 以每位兩百多元的日式放題, 在旺角也有不少選擇.
感謝 sky_0721 提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
| 商店 | 至尊滿屋日本料理 |