今日有機會嚟到愉景新城, 為咗玩要極速食個晏, 就揀咗呢間金助日本料理!

所以只係同門口幾隻癲噹影張相呃吓Like算數

隔離有間Fullhouse, 不過哥哥話想食蟹柳壽司, 所以就留番下次先嚟食

見到前面有一間日本嘢, 見佢有拉麵烏冬又有壽司, 就入去坐低食喇!

店內環境幾好, 坐得幾舒服!

我叫咗一份窩燒牛肉烏冬定食 $90, 價錢嚟講都還可以, 而且仲超快上菜! 簡直係「速食」

烏冬個樣麻麻地, 好似好多油咁! 有隻溫泉蛋, 但係流超多汁, 我覺得似打隻蛋落去煮兩煮就算

牛肉都係正常質素! 有隻浸到淋哂既冬菇, 同埋金菇

烏冬OK, 有o趙口, 煙煙韌韌! 但又有D覺得Over咗! 有種未熟感覺

呢個定食跟咗六件壽司, 三文魚、帶子、吞拿魚各兩件

同相一樣完全冇光澤, 好似擺咗好耐咁! 食落「鞋拾拾」, 飯唔新鮮!!!

當然哥哥都係食得津津有味, 大家要留意座位方向, 我唔小心俾佢坐咗梳化位面向大電視攪到...