|
塔門。新惠和(海膽炒飯)
|
|
Yanomi
2016-05-10
836
1
|
分享
收藏
5月8日(星期日)~之前見小奧同Baby笠去過"塔門" 風景真係好靚~同老闆講可以搵日去行下/玩野餐 前一晚出席表弟囝囝百日宴~食完飯好夜返到屋企 諗住依日起身..睇睇精神狀態~先再決定去唔去? 老闆晨咁早起左身lu~我瞓到差不多09:00先起身 老闆問我去唔去? 仲搵定食店..話留肚入去食lunch 之後先慢慢行~是但啦! 雖然天氣熱..但都想出去行下 攪掂09:40出發! 坐車去"彩頤花園"..轉(1A)小巴 > 西貢 西貢坐(94)巴士 > 黃石碼頭 > (快艇)塔門(交通時間共2 hrs) ********** 黃石碼頭 > 塔門..翠華大船(星期六&日 $14) / 快艇($20) 回程坐中間果架無背椅快艇~7分鐘就返到碼頭(勁快) 去程坐白色依架..2款都好穩定好快 老闆兩程快艇都講..好似係泰國出島咁(唔通思鄉病?) 等齊人..開船 10分鐘船程..去到塔門~真係方便過坐大船 老闆即時開心share(塔門公廁)比同事朋友睇(哈哈) 整個水域..海水都係清澈見底 上碼頭後..轉左方直行~會見到好多食店 我地揀左去"新惠和"食lunch 食店人流一輪輪~之前全場滿坐..流量好快 飲品有無冰凍奶茶($14/杯..$28/支)/薑汁無冰凍奶茶($15/杯..$30/支) 好多人叫奶茶~唔想飲完奶茶成日搵洗手間+喉嚨有少少沙 所以叫"秘製鹹檸茶"($15/支)~鹹檸味出..茶味唔澀 甜度ok..飲完喉嚨舒服左d 就係老闆晨早開個"海膽炒飯"($100)引人 我鐘意食海膽~所以去到即點個試試 食材簡單..有蛋,海膽,蔥粒,白飯 炒飯好香..海膽+蛋好match~有蛋味又帶海膽微甘味 但飯粒炒得過乾~依家食唔到太乾口食物..所以間中用水送 依個飯都可以自己炒炒..簡單得黎又香口 原本我想試"海膽煎蛋"~老闆話好多人都食"炸墨魚丸"($70) 咁是但啦! 點個試試囉 我無睇過相~如果知"炸"既效果係咁..我寧願叫湯上 "炸"同煎透少少無分別~"炸"既定義係有脆感..依個完全無 墨魚丸口感結實中帶彈牙(午餐總消費:$185) 行完山再返去食"薑汁豆腐花"($11)~口感好滑滑..好味 另外再點"秘製鹹檸茶"(x2)(下午茶總消費:$41) 參考資料 : 翠華船務 - http://www.traway.com.hk/02/index.html
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
| 商店 | 新惠和 |