抱歉,發生點錯誤。
重新載入
珠江酒家
Dusty
2013-09-03
1066
0
分享
收藏
今晚我們一行八個人去了太子珠江酒家食晚飯,我亦早幾日就打電話去訂定位,點解我們會選擇 這店食晚飯?就係因為這店有很多豬油渣的菜式,呢晚點了麵醬油渣蒸魽魚、美極鴨下巴、蠔爽、豬油渣椒絲腐乳炒通菜、豬油渣炒四季豆、胡椒豬肚雞窩、蒜芯炒 田雞、山豬煲、金沙黃金鮮魷、咕嚕肉、川椒雞、炸大腸、剁椒珍珠蠔蒸班球、連酒水及飯,埋單$1247蚊.不過這店只有一個廚師,所以出菜會較慢,但我們 反而喜歡,因唔洗食得咁急,好多時一連串咁出菜,搞到d菜都凍晒!




店門口好有舊式香港既感覺



店裡面既牆上掛滿了菜名,相片裡只是一小部份



今日好奇怪,我同烏蠅都因交通問題而遲到了大半個鐘才到,朋友們都餓壞了




金沙黃金鮮魷:好老實初見切成四方狀的鮮魷,還以為係豆腐,我唔知點解這店會咁大膽,把鮮魷切得咁大粒,我心想會唔會好韌架?我咬了一口,原來厚切都可以咁腍架,而且魷魚係好鮮味的,外層薄薄的黃金衣亦很出色,黃金衣係咸蛋黃做的,不過咸蛋味濃而不咸,很出色



蠔爽:這菜係這店招牌之一,蠔雖然選用較細隻的,但每隻都很肥,味道似椒鹽的做法,但真係好夾,蠔味亦濃,好快就清晒




胡椒豬肚雞窩:我覺得這窩雞既份量都唔少,雖然不能講有一隻,但又有兩隻雞翼尖喎......




豬肚係帶些少苦味的,但雞肉又滑又正,因為選用養夠日子既雞,雞骨咬落好硬身,一點都唔蔗渣的



個湯係好香胡椒味,但胡椒不會辣口的,加上雞味又濃,睇面頭的雞油就知啦




山豬煲:滾住熱辣辣送上檯,聞到好香啊,如果冬天食的話,感覺一定更正




到底係咪山豬黎架?等我先試下先,d肉好彈彈彈性啊,但肉質一點都唔韌及唔粗糙架,我們非常欣賞這豬了



咕嚕肉:估唔到這碟既份量係咁多架,但我同老婆只食得一舊,話咁快已被班朋友清晒,有冇搞錯啊?雖然我都認同係很出色很好味,但都唔洗咁快手姐!這咕嚕肉雖然係好濃味,甜、酸既味來得特別強,粉漿又薄又鬆化又夠鑊氣



豬油渣炒四季豆:豬油渣既量唔少,炒出黎既豆亦很香,口感亦夠



麵醬油渣蒸魽魚:這檯裡面既朋友,有很多人都未食過魽魚的,我本身係好喜歡食這種魚架,但極少在香港食,因為怕有泥味囉!但唔知這店用了咩法寶?d魚肉很嫩滑啊,魚骨亦少,竟把不愛食魚的朋友都大讚好味,魚肉竟然一點泥味都無架,廚師蒸既時間又好準,這道魚實在太掂喇



魚肚被我搶了,因他們無人留意到它的存在heehee



其骨的部份係我最愛的



豬油渣椒絲腐乳炒通菜:如果只用椒絲腐乳去炒的話,我就很麻麻,亦會改用蒜蓉,但用豬油渣就唔同,雖然同樣腐乳味較濃,但食得出裡面隱約有些豬油在活動



美極鴨下巴:味道好咸,咸得很野味,飲酒既朋友實喜歡,鴨下巴炸得夠乾身,但咬落又不會乾爭爭喎



我準備好要接吻喇,你們唔會又想試啊?hahahaaa



川椒雞:我覺得味道有一小點似黑椒,但雞肉真的超嫩滑架,我都好佩服



蒜芯炒田雞:蒜芯很爽口,田雞亦夠滑,睇落簡單,但廚師掌握個火喉很到家



炸大腸:這道菜我亦試過幾間,但這間係我比較喜歡的,大腸味道一定要夠搶,外層炸得要夠脆,裡面肉質嫩之餘,還要帶點口感,我的要求就係這店的出品喇



剁椒珍珠蠔蒸班球:因為朋友食完蠔爽覺得唔夠喉,所以特地點多碟有關蠔的,表面有大量蒜蓉及少量剁椒,不過係唔會辣的,蠔同樣很新鮮,班球就藏了在底部



睇下幾大塊,啖啖肉架



配上白飯作結尾,這店我們一致認為可短期內再值得幫襯的,很多菜都幾特別,最重要廚師既手藝很出色,職員既態度又唔錯,



單據


感謝 Dusty 提供以上內容
Dusty 的個人網誌 : www.dusty1118.mysinablog.com/ 































~END~
商店 珠江酒家