抱歉,發生點錯誤。
重新載入
南記飯店
Dusty
2013-09-03
848
0
分享
收藏

呢日在九龍城的第二晚,老婆放工過到黎成差唔多九點,我們選擇在南記飯店食晚飯,這飯店裡面的格局有點似冰室,應該 係老店子,因為裡面的職員有些已上了年齡,但很親切,本來我們想散叫的,但滷水鵝竟然已賣晒,職員話得返些很肥的,一定唔適合你們架,最後我們點了個二人 套餐(芹蒜半煎煮沙孟、鹹雞、潮洲春菜、咸菜胡椒豬肚湯)、另外加了窩方魚蠔仔肉碎粥,埋單大概$236蚊.

醃蘿蔔:這個蘿蔔非常爽脆架,蘿蔔味很突出,我同老婆都不停咁食啊

春菜:這個菜係潮州的特產,我就第一次食,他們煮到好腍好腍,唔洗點咬都已溶晒,很適合老人家食的!哈哈哈

鹹雞:雞係用新鮮的活雞,咬落肉質較實淨,很一點都唔韌的,雞味很足,雖然叫鹹雞,但唔會話太鹹的感覺,做得很出色

新鮮雞才有得送雞肝或其它雞什的,可惜只能食少少,但果種味道不停散發在口裡,好正呢

芹蒜半煎煮沙孟:比我們想象中還大碟,裡面有成七至八條沙孟魚,果些配料炒得很出味,特別係芹菜,好美味

沙孟魚細細條,但外層煎得好靚

裡面的肉質又嫩又鮮甜,連老婆都贊好啊

咸菜胡椒豬肚湯:雖然胡椒味係幾重,但好彩粉腸及豬肚勝在夠新鮮,所以湯的味道亦豐富些,咸菜切得很大塊,食起黎都很滿足

粉腸很新鮮啊

方魚蠔仔肉碎粥: 反而這窩粥就普通些,材料就很多,但總係覺得欠些什麼的感覺,可能d蠔味道唔多夠啦

喳喳:糖水的甜度剛剛好,材料亦足,個職員還不停問客人夠唔夠?因為係免費送的,所以邊食邊感受到這店有種溫馨的感覺


感謝 Dusty 提供以上內容
Dusty 的個人網誌 : www.dusty1118.mysinablog.com/ 

~END~
商店 南記飯店