抱歉,發生點錯誤。
重新載入
何洪記 Ho Hung Kee:英洪莫問出處
山區麵包王
2016-05-28
738
0
分享
收藏
嚟機場唔喺出門去旅行,就一喺送機,一喺接機,仲有就當然喺晌機場或周邊工作嘅人。機場抵港層,食肆多的是,有翡翠拉麵小籠包、太興、Délifrance、星巴克、麥記……等等,唔止抵港嘅人會食,有時離港嘅人都會趁有時間會晌度食個早餐、午餐或晚餐先登機,所以,好幾間食店長期都咁旺。


今次光顧嘅何洪記都唔例外,雖然喺下午茶時段,都算喺一枱人食完離開,又接一枱新客,香港機場始終喺個頗繁忙嘅航空樞紐,每日人流不絕,客流量不成問題,所以,只要餐廳做嘅食物好就真喺生意唔憂做。 



 比起年初光顧過銅鑼灣何洪記,依間何洪記晌裝修上就平實樸素好多,卡位、細圓枱悉隨尊便。 

一塊大招牌「創於1946年」,足足70年嘅歷史,得來不易,枱上嘅餐墊紙都有介紹其歷史。 



雖然自稱粥麵專家,但所賣嘅食物有齊粥粉麵飯、腸粉、點心、糖水……等,以及燒味,跟銅鑼灣差唔多!而主餐牌印齊中英日文對照,咁身處機場唔少客都喺外國人,依樣就必然啦。 上次晌何洪記品嚐過佢嘅炒粉麵,所以,今次想試佢嘅雲吞同水餃,再加啲點心,睇人講佢啲腸粉又好似幾得,故又點一客大家試試。 


bowl
鴛鴦淨雲吞水餃 $63 一客有雲吞4粒、水餃3粒,粒粒包得細細粒,而何洪記嘅雲吞亦甚有名氣,屬店中名物。雲吞內包住鮮蝦肉,果真鮮甜爽彈,又混入少少蝦籽,鹹鮮美更上一層樓! 水餃則以蝦肉、豬肉、木耳、筍絲做餡,食落略嫌木耳、筍絲唔夠多,未更爽口,否則口感更具層次,而味道亦同樣鮮甜。 湯底清而不濁,陣陣鹹香,喺大地魚嗎?








bowl
香油條腸粉(炸兩)$48 即叫即製嘅炸兩,腸粉皮拉得既薄且透,望落去都覺得內裡嘅油炸鬼要脆到跳出嚟。確實,油炸鬼炸得非常香脆,仲一啲都唔油,配合埋啲滑溜嘅腸粉皮,另類嘅外軟內脆,淋下豉油、沾點麻醬,好食,回味!




bowl
蜜汁叉燒酥 $35 一客兩件嘅叉燒酥,外層嘅酥皮頗鬆化,內裡嘅叉燒帶有蜜香,而且,豬肉所取嘅部份唔會太肥,食落鹹中帶甜,唯一要挑剔喺醬汁少,入口稍乾。






bowl
黃金流沙包 $38 依家市面上好多地方都有供應流沙包,而且,大多數地方都做得唔錯,更有唔少餐廳以此做招牌點心,不過何洪記就無太刻意推佢上位,都只喺點心中嘅一款。將熱辣辣嘅流沙包搣開,流心效果一流,澎湃湧出,而且鹹香有蛋味,包身好軟熟而唔黏牙。





時代巨輪不斷咁轉,何洪記亦隨時代發展而變,由街邊檔到入鋪,由無名到摘星,表現出香港人應有嘅毅力。依家晌機場開店,會有更多旅客認識「何洪記」,期待他朝有日,見到佢哋能夠由本土跳到國際!
個人評分
味道:7/10
環境:8/10
服務:8/10
抵食:7/10
平均每人消費:HK$105
餐廳資料:
何洪記 Ho Hung Kee
赤鱲角香港國際機場客運大樓5字樓抵港層5T161號舖
2323 6690


=============================================

感謝 山區麵包王 提供以上資料

山區麵包王的網誌: http://garycwm.blogspot.hk/


=============================================

~END~
商店 何洪記 (赤鱲角店)