今晚同老婆兩個人去了尖沙咀食晚飯，想黎想去不如去千兩食，反正峰壽司已大不如前，幾年前幫襯過千兩一次，當時千兩亦係新開張不久，任象中選擇唔多，不過最大賣點係藍 鰭吞拿魚鮫，賣成大概一百蚊件架，我們七點幾去到，唔洗等就有位，先睇下本meun，發覺選擇多左，我們點了立魚昆布漬壽司、立魚壽司、吞拿魚壽司、吞拿 魚醬油漬壽司X2、油甘魚腩壽司、海鮮太卷、特大帶子壽司、極上吞拿魚鮫壽司、槍魷魚壽司、劍魚腩壽司、燒吞拿魚鮫，埋單$476蚊

玉子壽司:熱辣辣新鮮整好的，不過我無點到

立魚昆布漬壽司:我覺得連埋個昆布一齊食係好失敗的，因為昆布味太搶，完全嚐唔到魚既味道......

立魚壽司:都係傳統既比較好，立魚口感一流，魚味都幾重

吞拿魚壽司:我見回轉果碟係好赤紅色的，但通常我都會order既，但送到黎發覺色澤偏淡，心諗唔方好味啦，點知有驚喜，魚味很濃，越食越滿足，呢種味道唔係好多回轉壽司店能嚐到的

吞拿魚醬油漬壽司:老婆的最愛，醬油同吞拿魚都幾夾，所以點了兩碟先夠喉

油甘魚腩壽司:油份重又甘香，好味啊

海鮮太卷:材料都幾多，分別有三文魚、吞拿魚腩蓉、蟹子、青瓜、醃蘿蔔，整體唔錯

特大帶子壽司:好彩我把口夠大，可以一次過放入口，帶子夠晒凍又厚肉，肉質鮮甜

極上吞拿魚鮫壽司:黎得千兩食，點可以唔點魚鮫壽司啊，但價錢竟然平了很多，可能唔係藍鰭吞拿魚，但一放入口唔洗點0趙都已經慢慢溶在口裡，油份極重，果種香味不停在口腔裡爆發，真係回味無窮啊

槍魷魚壽司:槍魷魚都幾大條下，味道ok

劍魚腩壽司:劍魚腩夠大塊，色澤靚，一咬就知係好野，因為有些小口感，唔會係腍身果隻，邊食邊分泌出魚油，唔錯唔錯

燒吞拿魚鮫:終於到主角出現喇，我本身極喜歡食魚鮫的，但通常只能睇日本飲食節目黎收集資料，估唔到千兩的吞拿魚鮫係咁抵食的，初初睇到要$180蚊的價錢，心諗份量一定唔會多啦，點知......嘩！好大份啊，足夠三個人食啊

睇下d油份幾多

一梭梭吞拿魚肉非常容易挑到出黎

肉質又嫩又甘香

我們兩個人好辛苦地先食得晒，油份太重喇，頂住晒個胃，不過非常之滿足

 
感謝 Dusty 提供以上內容
Dusty 的個人網誌 : www.dusty1118.mysinablog.com/