今日同老婆去了元朗爽爽麵店食午飯，估唔到閒日都咁多人黎食的，都成點幾鐘竟然還要拿飛仔排隊，有冇搞錯啊.....，等了幾個字終於有位喇，裡面地方都幾細下，坐得又迫，我們點了醉雞(例牌)、蠔油撈粗、豬扒湯米粉、菊花茶一樽，埋單$119蚊.

餐牌

菊花茶:天氣咁熱，加上要在外面排咁耐隊，當然要飲杯冰凍的菊花茶下下火啦，菊花味夠濃又唔太甜，最重要夠凍及自家出品的.

豬扒湯米粉:豬扒有咬口、d肉好彈性，原來係用新鮮貨，唔怪得咁好味啦，個湯底係用雞湯，所以都一樣好飲的,如果唔夠雞湯還可以再加.

醉雞(例牌):隻雞好有酒香味，但d酒又不會有苦的味道，食得出老闆應該經過長時間去調校的，如果大家叫醉雞係可以選擇部位的，但要一早講聲，雞肉好滑，但雞味就唔算重，連雞皮都有彈性的

連雞胸部份都咁有咬口，一點都唔覺得(鞋)，唔怪得咁多人黎幫襯啦

雞腎:雞腎都好有酒味及好爽口，其實醉雞都有附送內臟的，大家都可要求其它內臟，但都要一早講的

蠔油撈粗:粗麵好滑好彈性，係鹼水味太重了，但整體ok的

雞湯

感謝 Dusty 提供以上內容
Dusty 的個人網誌 : www.dusty1118.mysinablog.com/