|
友聚。妹記大排檔(旺角)
|
|
Yanomi
2016-06-16
872
0
|
分享
收藏
6月15日(星期三)~其實我都好懶搵朋友食飯攪聚會 不過有時隔得耐..又會突然想約耐無見既fds出黎聚下 早排無事無幹..傾開隨口同班谷友講~可以攪個飯局 估唔到反應都幾熱烈~時間/地點/人腳..夾齊晒 上網搵埋食店..飯局就約成~早幾日同老闆講定 依日有飯局..叫佢食自己~佢次次都會問.."咁我點呀?" 我話..咩點呀? 你有飯局都唔會諗下個老婆點? 自己攪掂啦! 友聚@妹記大排檔(旺角)~上樓大排檔..環境乾淨寬敞~冷氣足 5個人..3個飲啤酒~其中一個係我 :p 在下..先飲為敬!! 同一般大排檔價錢相約~無因為地段..納入埋貴租 食店價錢都算好中肯..並唔貴! "原隻炸豬手" 皮好脆..凍左都脆~肉質唔過鹹~但配黃芥末會比較好吃 "椒鹽九肚魚"..炸得香口~味道可以 "炸豬大腸"..依個ma ma地~豬腸有d味..但炸得好靚+脆口 "炸蠔餅"..蠔肉唔多唔大粒~炸層微酥脆..炸起唔算好油膩感 "雞蛋焗魚腸"..焗得都幾靚~就咁睇幾似蛋糕 都幾多料~外脆內軟..唔會焗過乾~但有埋果皮就仲正 "小炒皇"..食材豐富~小炒有鑊氣..好味 "紅燒豆腐煲"..豆腐份量好多~下層仲有白菜仔~味道好唔錯 "蒜茸粉絲蒸勝瓜"..清淡夠蒜香~勝瓜軟腍但粉絲比較硬 整體食物ok..炸物香口份量足~環境舒適..服務都唔錯 另叫..白飯(x3) 汽水(x2) 啤酒(x2) (總消費:$720)
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
| 商店 | 妹記大排檔 Mui Kee Cookfood Stall |