今晚一行8人再去金山晚飯做節，早一晚訂位今次一去到就有位，可惜職員俾我們張枱細左d，但又換唔到只好叫他們上菜 慢些啦，我們點了霸皇花琵琶葉蜜棗煲豬肺湯(中)、南乳掉燒雞拼雲英雞、椒鹽瀨尿蝦(中)、椒鹽豆腐、沙薑雞腳、生汁芝麻炸蝦餅、清蒸鮑魚、炸大腸、香橙 骨、啫啫通菜煲、鍋貼小棠菜、鹽水雲勝桂花蚌、豉油皇肥鵝腸、豉油王炒麵，$1,271蚊。

首先講講霸皇花琵琶葉蜜棗煲豬肺湯，夠晒足料 絕無味精，d湯好飲到我都唔知講乜好，南乳掉燒雞，我覺得炸得很一般，肉不夠滑，雲英雞依然能保持水準，椒鹽瀨尿蝦我們點中Size28蚊隻，瀨尿蝦肉甜 很新鮮，加上炸得剛剛好配上椒鹽真係一絕，雖然其中一隻係好水無咩肉，即刻同伙記講聲就即刻送多隻，真係好禮貌絕對無黑面，椒鹽豆腐又係炸到個皮好脆，內 裡還很幼嫩個個食到唔停口啊，沙薑雞腳很大隻最重要係夠晒入味又無煲到爛晒，生汁芝麻炸蝦餅炸得極之鬆化加上新鮮的蝦肉，估唔到出黎個效果係咁好的，清蒸 鮑魚很新鮮又大隻($28)，咬落一d都唔韌，但唔知點解鮑魚本身味道很淡，唔怪得有得點蠔油黎食啦，但d蠔油極鮮甜的唔似一般果些，炸大腸皮唔夠脆唔知 係咪擺了一陣先上黎的關係，但就好香無異味，香橙骨的汁做得好出色，橙的汁又唔酸又唔會搶晒其它的味道，啫啫通菜煲唔會整得很鹹，菜身很爽脆，鹽水雲勝桂 花蚌就普普通通啦，豉油皇肥鵝腸夠晒肥美，豉油王炒麵炒得唔係好油，加上韮菜、韮黃、豆牙炒埋一齊，味道極之好，呢餐食得好開心，因為我們坐在第三層，裡 面的職員很好的服務，我投訴話張枱太細，個職員解釋完後還送了碟啫啫通菜煲給我們添。

 
感謝 Dusty 提供以上內容
Dusty 的個人網誌 : www.dusty1118.mysinablog.com/