昨晚同老婆兩個人去了尖沙咀新港中心晚飯，本來一心想去鼎 泰豐食既，點知要等成50張檯，腦海突然想起稻香做緊一蚊雞推廣，咁就行過去稻香睇下有無位啦，去到時以為實有排等啦，因為成七點幾了，點知唔洗等就即刻 有位，我們坐低即刻點了隻一蚊雞先，因怕等得耐嘛，之後揀了莞茜皮蛋湯底、1蚊雞、什菜藍、炸腐皮卷、芝士墨魚丸、白蘿蔔、烏冬、手切肥牛，埋 單$299。

首先講講隻一蚊雞，唔好以為咁平價錢隻雞實唔好食啦，但剛好相反，隻雞幾滑又唔肥，還要係無限制的，你食得到可任叫的，另外個炸腐皮卷同樣很好味，好香豆味架，芝士墨魚丸勁唔掂，唔係我食開果種，因為d芝士太水同埋無乜芝士味，個什菜藍最抵食，其它野都唔錯的。