今晚一行七人去了東海商業中心的東海海鮮酒家食$288大閘蟹套餐，唔使加一同免茶芥，$288套餐內容包括有兩隻足五両江蘇大閘蟹、濃湯巴楚菇燉翅、蟹粉小籠包兩粒、生拆蟹粉蒜蓉包兩大片、上湯灼菜心、牡丹蝦手打烏冬、薑茶湯丸。
第 一道菜係濃湯巴楚菇燉翅，個湯底好濃好好飲有翅有花膠，份量都好足，d翅預左係平價野但很有口感，只可惜d翅有沙，食落好唔舒服，第二道菜係蟹粉小籠包， 個小籠包亦唔錯很足料很香蟹味，第三道菜上大閘蟹隻蟹唔算多膏，但d膏食落很鮮甜好香非一般平野可相比，d蟹好重蟹味，第四道菜亦係大閘蟹，但好明顯今次 係大得多，膏同肉都很爆好鬼正，這樣先叫靚蟹嘛，第五道菜係菜心好鬼甜的，第六道菜係生拆蟹粉蒜蓉包，這道菜本來我係幾有期望的，但個包唔夠脆同凍晒，真 的很可惜，個蟹粉亦只是不過不失啦，份量亦小了小小，第七道菜係牡丹蝦手打烏冬，同樣個湯底很好飲很鮮但覺得胡椒多了些小，加上d牡丹蝦乾在湯度浮下浮 下，個視覺效果幾好，d烏冬亦夠彈牙很好味的，第八道菜係薑茶芝麻湯丸，個芝麻湯丸好好味又唔甜，但個薑茶好辣口，加上我不是很喜歡薑那陣味道，呢一餐以 這個價錢黎講算很滿足的.

 感謝 Dusty 提供以上內容
Dusty 的個人網誌 : www.dusty1118.mysinablog.com/