麻辣炒蜆 & 雪菜鮮味蟹湯
|
|
Yanomi
2016-06-28
877
1
|
分享
收藏
6月26日(星期日)~前一晚..諗住依日如果唔太熱 又早起身的話~想去城門行一圈..出身汗當運動既 朝早起身..老闆見天氣仲好熱+勁曬~話唔適宜行山 咁是但囉! hea到12點去"金不換"食泰lunch~食完行商場 問定老闆晚餐想食咩? 係一田超市見到"酸辣鳳爪" 佢好鐘意食ma~份量比Aeon/九龍城買既多好多 仲要係請泰國人整喎($29.9/盒..抵食! 買啦!) 味道都ok..夠辣夠鹹~個人口味..可以再酸d添 上星期五..老闆同同事飯局~食左個"麻辣炒蜆" 佢話太多汁+味較淡~想我再整比佢食喎 咁就整個收汁+濃味d既.."麻辣炒蜆" 好誇張..佢鐘意食既程度~話要買2斤先夠喉 配料有蒜蓉,薑粒,少少豆豉~再用寧記辣醬, 麻辣醬,磨豉醬,蠔油,少少生抽,老抽,糖及水調味 依個煮法..夠濃夠辣夠收汁~岩晒老闆口味 係街市買2隻石蟹~原本佢話就咁鹽焗..無咁麻煩 我話鹽焗成日食..無乜新意~見屋企仲有個旺菜 知佢又like湯煮食法~就整個"雪菜鮮味蟹湯" 爆香蒜片,薑絲,金華火腿粒,雪菜~放蝦頭,蟹件煎香 加2大碗清水及旺菜煮熟..最後加芫茜 大量胡椒粉,少少鹽,麻油~攪掂! 蟹湯清甜又有份蔬菜~依個煮法都好唔錯
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
商店 | 一田百貨 (荃灣店) |