無敵家@上環
|
|
飲食二打六
2016-07-05
485
0
|
分享
收藏
本來諗住去興記食雪菜肉絲米同西多士既 點知行過孖沙街見到間拉麵店 記憶中日本的無敵家好似幾出名既 這間不知是否那間無敵家 不過返正行過亦不防一試 12點多入到去 完全無人 心想會唔會中伏呢 回心一諗可能係剛開舖所以無人啫 好好丑丑都試下啦 湯底唔係好濃 反而啱我 最怕食日式拉麵D湯鹹到死 叉燒都幾厚身 但味道一般 還加了一隻溏心蛋的 碗麵食到一半至攞來 又凍食又唔幫客人開邊 切開後賣相有點似鹹蛋 味道唔甜又唔溜心 麻麻地 豚肉生姜燒定食$88 反而這個有驚喜喎 無論由前菜既沙律,麵豉湯,生姜燒 我都覺得好啱我食 個沙律D醋味調得好好 加上菜又爽口 好啱夏天食 而生姜燒個豚肉 味道少少甜 勁多蔥 最重要係份量夠多 差唔多可以一啖餸連一口飯夾住食 唔怕撈唔到飯 至於個麵豉湯 要讚的唔係本身既味道 係佢地用既海帶 好厚身好有咬口 份量唔少 未試過飲到一個咁厚身又咁夠份量既海帶麵豉湯既 低讚 地址: 上環孖沙街9號 |
~END~
商店 | 無敵家 |