|
Cordis Hotel。The Place
|
|
Yanomi
2016-07-08
908
2
|
分享
收藏
7月7日(星期四)~6月中..老闆先至話7月頭會放大假 原本佢想快閃外遊一轉~但得3星期時間叫我計劃行程 新地方肯定plan唔切~我又唔想返老家(因為年頭先去完清萊/清邁) 咁急趕..草草為去旅行而去~我真係唔想囉..所以話唔去 同埋..星期六/日~有時佢都未必得閒/想係home抖下 所以長假期~其實係香港..最好做返平時無時間做既野 娘家佢都幾個月無去飲茶~佢爸媽住得近..就多約到食lunch 所以佢叫我安排節目~假期最好探下大家屋企人(公公平平..兩邊都去) * * * * * * * * * * 依日想去Green食Afternoon Tea~佢屎面話寧願食lunch buffet (次次話食tea就屎面..都唔會就下我既~下次佢欽點晚餐..我都要屎面等佢感受下) 知佢想食生蠔~就搵間有生蠔又唔錯既Cordis Hotel@The Place Lunch Buffet : 12:00 - 14:30 (星期一至五 : 成人 $298 / 小童及長者 $228) (星期六/日及公眾假期 : 成人 $368 / 小童及長者 $268) (HSBC及部份信用咭有75折 / Openrice亦有75折優惠卷...另+10% c.s.) 海鮮有生蠔, 龍蝦蚶, 藍青口, 小龍蝦選擇 食物refill得好快..不停供應 早排做I love K/J.POP韓熱主題~今次做I love Asian 熱葷類都ok多~視乎個人口味岩唔岩食 仲有芝士,冷盤火腿/煙三文魚~沙律菜,韓式前菜 冷麵, 中式點心/粉麵等~不過好多都無試到 麵包好靚好想食..不過食完肯定呆~同埋我地無乜食力 見到有檯客2公婆~攞小龍蝦獨享..起碼每人拎10隻 仲未計大蝦/生蠔/龍蝦蚶+其他野~所以覺得佢地好勁 我地細食但就鐘意buffet多選擇+可以慢慢享受一餐 近門口係甜品&生果區 生蠔(x12) 雖然唔係即開~但好新鮮又夠凍~口感帶爽..有蠔鮮味 小龍蝦 & 龍蝦蚶(x2) 龍蝦蚶比小龍蝦更有鹹鮮味+啖啖肉~兩款都新鮮+唔錯 我必食既印度菜~餐廳特別請印度人煮理 印度飯好乾身好香~咖哩有雞肉/雜菜兩款選擇 我揀雜菜..醬汁好香濃郁~Naan拉扯感好強..有點咬到口軟 熱葷類料足又夠味~食物味道平均..唔會過鹹過淡 日式類..刺身都ok~吞拿魚有少少筋~墨魚片最正 壽司無特別~漬物都多選擇~仲有溫泉蛋..不過無試 老闆次次見我buffet食壽司~實話我(豬)食埋d易飽肚 佢次次飲3-4碗湯..我無話佢豬~自己鐘意食咪ok囉 我試左碗中式螺頭湯~好味夠濃郁 老闆食淨湯菜~一碗份量都好多 食左好少野..開始飽飽地~係時間試甜品 整體甜度全部都好岩我口味(少甜) 椰汁西米露配芒果汁..好似蛋~西米露質感半凝固..味道好香 芒果蛋黃..內裝豐富芒果汁~後面水珠有微梅味~果凍口感 芒果豆漿凍~唔用鮮奶..豆漿都好ok~口感滑滑+有豆香味 斑蘭戚風蛋糕勁海綿feel~芝士蛋糕..好幼滑+唔漏 半熟芝士撻..新鮮熱辣辣~d芝士半軟溶化..芝士味幾香 老闆少食甜品..揀左芒果豆漿凍&雪糕~佢話雪糕好甜 已經好飽..點都食埋個"竹炭窩夫配咖啡味雪糕"先收工 咖啡味無焦糖咁甜~咖啡味夠香~窩夫質感暖暖又軟軟 餐飲.."熱咖啡 & 凍檸茶" 老闆杯凍飲勁大杯~我習慣飲齋啡..所以唔加奶 但鐘意留意每間餐廳跟上凍奶/熱奶~依間係室溫 整體酒店餐廳環境舒適簡約~樓底空間感好廣闊 食物有水準~服務好好..refill食物及收碟/添水有效率(總消費:$507)
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
| 商店 | The Place (康得思酒店 前身名朗豪酒店) |