[荃灣] Goobne Chicken ‧ 全新口味 | 蘋果+檸檬+蒜香=果香味烤雞
|
|
糖小妹
2016-07-14
618
0
|
分享
收藏
Goobne Chicken 地址: 荃灣楊屋道1號荃新天地一期地下G29號舖 電話: 2157 1131 營業時間: 星期一至日: 12:00-00:00 首訪文章: [旺角] Goobne Chicken ‧ 主打健康烤雞,還有充滿意景的鯊魚特飲 | 兩個時段光顧更有8折優惠呢! 荃灣區終於引入左韓國炸雞店啦,今次進駐荃新天地既係旺角同尖沙咀都有分店的Goobne Chicken,餐廳係一期地下,就大家樂的隔離。以開放式的餐廳設計,門外仲放有韓國明星代言人EXO八子既廣告牌(其實真係唔太分得出誰是誰 XD),粉絲經過的話唔入去食都可以同個牌影相! (喜歡的,請按讚支持,是給我很大的鼓勵啊 ) Connie's Food and Life Corner 裝潢以簡約寫意的木紋作主調,牆上更有投影著韓國歌曲的MV呢,店員中也有韓國人,但就聽不太懂廣東話。 揭揭餐牌發現新出左果味烤雞和火辣烤雞,本來一心想食的甜辣醬炸雞都不要了,來份新奇果味烤雞吧! 先點了兩杯飲品,因暫未有酒牌所以就要了柚子沙冰 $58 和Mojito $50;前者真係好柚子,入口勁酸,酸到有少少頂唔順;後者陣陣薄荷味,真係幾似牙膏味,但加埋少少青檸味又好清新同清涼,好岩食完烤雞後的油膩感! 特製雞蛋卷 $148 蛋卷內包了黃瓜、腌黃蘿蔔、火腿,海苔和芝士。 食落蛋皮滑富明顯蛋香,但芝士味唔太明顯,反而所配的帶微辣醬汁好好食,一碟唔夠點啊!但係成過百蚊一個蛋卷真係好貴下,叫多碟雞好似仲抵! 蘋果檸檬蒜香烤雞 $168 份量有雞全翼和雞鎚各兩件,仲有數件雞胸,食落真係有陣陣甜甜的果香,偏向檸檬味 ;仲有惹味的蒜香,兩者平衡得不錯。味道清新不膩,又無互相搶味! 不過最好食都係雞全翼同雞鎚,外皮脆口,肉質夠滑,雞胸位就有點兒鞋,不過整體都好食!
感謝 糖小妹 提供以上資料 糖小妹的網誌: http://concon2016.blogspot.hk/
|
~END~
商店 |