|
Gold Coast Hotel。Gold Coast Prime Rib
|
|
Yanomi
2016-07-18
584
0
|
分享
收藏
7月16日(星期六)~好耐無入屯門黃金海岸啦! 鐘意個環境有渡假feel~所以久唔久會想入去hea下 依日諗住早d同老闆入去~行下+飲個Happy Hour先 Oh! 依日無假日市集~連最常幫襯既"香辣屋"都執埋 星期六人流唔多..對我地黎講係好~但對食肆就幾難做囉 飲緊Happy Hour~老闆話搵小奧 & baby笠line video call 近排成日搵佢地視像~一諗起就即搵..一係就搵大馬好友 我咪話囉..人地好忙架! 咪成日阻住人~你好掛住佢地咩?(哈哈) 最攪笑..成功視像完~佢真係好開心~日頭搵唔到大馬好友 夜晚知佢地返到屋企~又即刻line video call(我覺得老闆好攪笑..哈) * * * * * * * * * * 前2日..訂定酒店"Gold Coast Prime Rib"(happy hour完..順便晚餐) Prime Rib係Lounge入面~夜晚dinner buffet..部份分割做扒房 "扒房"係新開辦~新開張..用Visa簽帳有折扣優惠 (七月份 : 星期一至星期五75折 / 星期六及日 85折..另+10% c.s.) 原本想幫老闆慳d錢..閒日去~佢又話收工再去好晏(咁算囉) Order完食物~點支意大利白酒($380)(折扣不包括飲品) Cheers! 扒房主要有Prime Rib Sets(3款牛)/Kitchen Grill Sets(6款)選擇 Prime Rib Sets唔考慮~Kitchen Grill Sets有牛,羊,豬,雞,魚 套餐附上特色沙律/餐湯/甜品(三選一)~另自選伴菜及醬汁(一款) "餐包"..新鮮暖暖+外脆內軟綿綿~好香麵包味 經理見食晒..問問我地仲要唔要(好啊^^) 老闆點套餐..跟"餐湯"(餐湯有3選1) "周打魚湯" 蜆肉好大粒~湯底質感浠薄..唔係濃稠果種 奶味唔重..淡鹹好香洋蔥味~清淡帶點點鮮味 老闆要"厚切特級豬扒(14oz)"($398) 配上自選"黑松露燒汁"..伴菜"蒜香白箘" 豬扒好厚身~肉質鬆軟有彈性..肉汁仲非常豐富 伴菜.."蒜香白箘"~味道都好唔錯..唔油膩有淡香蒜味 我要"蘇格蘭三文魚(7oz)"($368) 配上自選"黑胡椒干邑汁"..伴菜"松露薯條" 三文魚燒得好靚~入口好嫩滑..有油香感 伴菜.."松露薯條"~炸得剛好..完全無過火 薯仔粗長..口感外脆內粉糯~薯味濃..好味 我揀跟上甜品(四選一)~"香滑芝士蛋糕配紅桑莓" 之前睇過網評~見甜品份量好巨~由其apple crumble 足夠幾人份量~所以揀個蛋糕諗住細d..但都唔細喎 消化餅層新鮮脆身..有牛油香味~芝士質感超軟滑 軟滑度=雪糕既質感~好香芝士味..但唔漏 份量真係太大~最終食唔晒..唔浪費打包返屋企食 餐廳環境好舒服~服務質素好好..有禮貌有笑容 經理仲好親切~9點後有live band駐場唱歌(星期一除外) 整體食物份量好足+有水準(總消費:$1147)
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
| 商店 | 黃金海岸酒店 |