抱歉,發生點錯誤。
重新載入
[慶祝] 第一個父親節
仙蒂小溫太
2016-07-28
554
0
分享
收藏

[慶祝] 第一個父親節 19 JUNE 2016
自從淳淳出世之後,溫生升級做左爸爸,佢既生活變得更加忙碌,不但要分配時間去工作,仲要分配時間留係屋企,因為佢真係好忙,好多時佢只能夠放工同返工前陪伴淳淳,仲要抽時間應付下我,哈哈!我都好明白佢既辛勞,但佢從來無講過辛苦,佢為左呢個家,付出好大好大既努力,真係好欣賞佢既勤力同堅持!因為18號做左百日派對,變相今日都要安排工作,反正有7日就會忙足7日,哈哈!所以呢~第一個父親節就要等到夜晚先可以食餐飯慶祝喇!陰公豬囉~咁今日就唯有我自己單拖個仔出街啦!哈哈
一早起床換件衫衫先啦~



今日我自己單拖淳淳出街,首先出門前餵好奶,就落樓下買對涼鞋送俾公公做禮物,之後又要過嫲嫲屋企拎野,再打俾公公約佢飲茶,點知兩位舅父仔已經同公公飲緊,我又拿拿聲返屋企拎個出街袋同冰奶出發,行落街永遠無的士,走到附近屋苑的士站上車,我先發現屎火喇,點上車呢?摺好架車,單手抱仔?但我係條斜路上面,個仔又眼訓,嘩!仲手拎三袋野,個下勁無助。真係唔理咁多,將個仔同幾袋野放哂上車,再拿拿聲摺好架車放車尾,個仔又喊緊又怕司機唔耐煩,嘩!趕到呢~幸好細佬係落車位置等我,但司機兜路搞到又要叫細佬改落車點,唉!算。落左車有細佬幫手,立即輕鬆哂~
單拖出街。有車車坐有風扇涼好爽架啫~


幾經辛苦終於趕到黎陪公公飲茶喇~



返到屋企,公公婆婆就弄孫為樂啦!我就休息!爽呀~兩位舅父當然要陪女友個老豆,自己老豆就梗係留返俾兩位姐夫陪啦!好正常丫~所以話有仔有女幾好,不愁寂寞!哈哈!等到BILLY終於忙完,先叫我訂餐廳,事前佢自己都唔知幾點完成,所以餐廳都無訂呀,到佢搞掂先拿拿聲訂餐廳,有大有細即刻訂檯好高難度,周圍都滿哂~最後打去LAWRY'S剛好有位,都已經係坐到出門口最後張檯~難得有位!仲可以帶埋爸媽去,開心~



終於有時間父子情深一下,可惜個仔唔多合作,想訓覺。



餐廳既環境好吸引淳淳四周圍望



同淳淳合照難度好高。哈哈



我唔係咁隨便話影就影架!



一家三口。淳淳樣衰衰~哈哈



淳淳表示對於食西餐,我有一份期待同興奮。



哇!最威水係你啦!老豆,有龍蝦湯飲~



食沙律~



最好味既龍蝦湯



嘩!笑咪咪啦!咁開心~有孫陪公公食父親節飯



我仲開心呀!因為食到甜粟米!正!



開心~食左兩啖個仔大叫肚餓,我就去餵奶。幸好叫做有地方俾我餵~



黃媽媽既龍蝦~



今晚同檯既仲有BILLY好友,因為今日幫BILLY手,辛苦哂!一齊食埋飯~



HAPPY FATHER'S DAY



父親節快樂呀老豆~:3



祝大家都父親節快樂!下年我會安排得好D,唔俾BILLY去做野~哈哈!



感謝 仙蒂小溫太 提供以上資料

個人日誌: http://cindylittlemrswan.blogspot.hk/

~END~