|
(｡◕‿◕) 食到大汗疊細汗的米線陣(◕‿◕｡)
|
|
Kawai
2016-08-08
632
0
|
分享
收藏
| 熱食的主食除了拉麵只喜米線，習慣在家吃早餐的差不多每日都是米線，可能是一早起來不想用腦，隨口講就算！而呢個習慣我好多朋友都知，今日同朋友去完城寨一遊完，打算一起行到樂富坐地鐵回家，見到有米線陣，朋友說味道很不錯，所以這天早晚兩餐都是米線，代言人乎？笑！ 朋友叫了麻辣蕃茄魚腐肥牛米線$36 先說我平時是BB辣黨，而我沒有問是這碗是什麼辣度就試食了（應該是正常）， 食落比我想像中麻好多，而那種辣是有後勁的，不是明刀明槍又不嗆喉，加埋酸酸的蕃茄味覺都幾複雜，比較適合食得辣的朋友，米線不太淋有咬口只是湯太辣，我根本未夠班挑機。 幸好朋友一早幫我選了青瓜豆漿，解辣一流，青瓜加豆漿不是首發，這裡味道調教得幾清新又不會過甜，豆味明顯，可能太辣我覺得好好飲，而且一來就被乾了大半杯。 我叫了一個清湯底的，米線陣餃子皇加烏冬 五大隻餃子放在清湯烏冬上面，排得好整齊，加左芝麻香菜同生菜感覺好清新，好舒服。 每隻足足有湯匙咁大，而且餡料脹卜卜墜手足料，咬下皮夠薄身充滿香菜獨特味道，而且加左少少韓式粉絲，既可增加咬口又可以吸湯，配埋彈牙手打烏冬好Match。 厚身肉汁超Juicy 的大汗豬扒，雖然係油炸的，但蕃薯炸粉不會好膩好厚， 下面墊低的是辣椒粒同乾蒜，夾埋食都幾辣下。真係食到大汗疊細汗。 另外叫左幾款小食，魚蛋幾彈牙辣汁都幾過癮，不過就魚味不太明顯， 手拍青瓜幾爽甜，又無渣都係水準之內吧。 川味四合拼盤 包括左黑醋豬軟骨，麻辣肥牛，清甜蘿蔔同麻辣豬大腸 豬大腸洗得夠乾淨，睇到去了脂肪所以入口不算太肥膩，蘿蔔夠鮮甜多汁無渣， 整體都叫中上。 蒜泥白肉，蒜味不算好重食落有少少辣，都算惹味。 整體來說，食得辣的朋友會開心好多，因為好多菜式都係辣，不是辣妹唯有叫定青瓜豆漿解辣好了。店員仲話而家有個比賽，就係同店內Ｄ大型的Props 影相後，上載至指定的社交網站，就有機會贏禮物，至於禮物是什麼我沒聽清楚，但相信呢個拍照玩法，應沒機會得獎吧！ 米線陣 Mixian Sense 樂富聯合道198號樂富廣場1樓1112號號舖 For Collaboration and Invitation, Please send to : littlecatt@gmail.com FB Page: Kawai / Small Talk Corner Blogspot。TheZtyle。Beautylife。FanPiece。 BECB＠Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
| 商店 | 米線陣 (樂富店) |