|
好睇唔好食,中伏 – 甜品工房
|
|
Cammy
2013-09-04
622
0
|
分享
收藏
無論係星期一至日，其實只要係夜晚時間，仲有一大班人係尖沙咀厚福道果到等，等咩？食甜品囉～一條街有數間大大小小既甜品店，有幾間都我試過，所以當日食完飯同朋友就試下依間，反正到到都要等，冇所謂啦，點知，惡夢就黎喇。
當日真係好多人，排我前面既都係一堆二堆每堆至小５個人，果日我同朋友4個，等位時間大概係半個鐘左右，其實等位時已經見到店內好多人，而且位同位之間都幾迫下，不過見到甜品賣相都幾靚所以都一試啦！
坐低之後時不而遲，我地都即刻睇Menu叫甜品，我地點左以下宇治金時，紫葡之戀，黑色情迷，浪漫季節，後者兩個都選擇左低脂乳酪，先講後者兩個低脂乳酪，莫講話係乳酪味，除左微微食到佢有小小酸之外，我都唔認為佢係frozen yogurt，而且佢溶既速度相當驚人，我同朋友移平左佢上高果一堆之後基本上佢個底已經係浸滿左Yogurt，因為奇味既Yogur浸住，我同朋友都食剩左大半杯，隔左一陣佢仲變埋水，oh shit=___=
同另外既紫葡之戀同宇治金時，前者既提子味既冰的確好香，不過同粒香芋味既mochi完全冇關係=___=爆爆珠加埋冰食的確有口感，但係都係果句，未食完個頂，下低已經水浸，溶左變提子水，相當嘔心…宇治金時亦都係同樣情況，不過經朋友口述佢既綠茶冰完全冇甜味，仲覺得苦苦地，除左紅豆因為有小許練奶淋面而甜，其他基本上只係一堆好普通既碎冰……
總括黎講，以佢依個價錢，我可以去選擇食其他有名既甜品甚至去食蛋糕=____=依間野真係甜品界既中伏之作。
地址: 尖沙咀厚福街12 -12A號地下
電話:27322722
|
~END~
| 商店 | 甜品工房 (尖沙咀店) |