食物方面，款式算一般多，比較特別當然是有蟹腳食，蟹腳亦補充得快，很少出現一隻都無的情況。魚生都OK，一般自助餐質數，不是太好也不是太差。  

至於口碑不錯的海南雞飯，只感覺是好食但又未至於特別出色，不知是否吃得太多海南雞飯有少少麻目了，雞有點過熟(今時今日有點過熟好正常所以算是可以接受)而肉仍幾滑，比較可惜仍然不是新鮮雞，既然唔係散叫這點亦算可以，正常的雞湯煮飯正常的甜豉油沒怎麼特式，飯粒有少少過爛。當然在街食到這個水準已是不錯，只是離最好的仍有點距離，首先話咗唔係新鮮雞，第二現時用的米質量唔太好，第三乾蔥味唔太夠(有人唔鐘意蔥味嗎)，第四飯唔夠油而取而代之是飯有點爛(要健康唔要咁油嗎)，飯似浸熟多過煮熟，感覺就係飯的問題較大。  

熱葷唔算太多整體亦有點失色，跳過。  

甜品都幾好食，但以酒店來講做得不算太精緻，反而有點似家中自己做的那種感覺，不太甜，白色那些是奶凍吧﹐奶味濃點更好(即用多點奶粉或在鮮奶中加奶粉)，其實另外一些甜品也有這種不夠濃味的感覺，不是師父失了手，而是食自助餐在短時間內食了太多不同味道的東西，口腔的感覺始終會變得有點鈍，正常的味道便會顯得差了點，和食散餐慢慢食不同，自助餐甜品有時做得濃味點更好。最後，有Häagen-Dazs雪糕及已從超市貨架上消失了的sorbet，正。

感謝 All About Foods 提供以上資料
個人日誌: http://hkgfoods.blogspot.hk/